Антибиотикийг эхний сонголтын (өргөн хүрээний) болон сонгомол үйлчилгээтэй (нөөцийн) гэж ангилан үздэг.

Судалгаагаар манай улсад сүүлийн гурван жилд эхний сонголтын антибиотикийн хэрэглээ 14.5 хувиар буурч, сонгомол үйлчилгээтэй антибиотикийн хэрэглээ эсрэгээрээ 17 хувиар өсжээ.

Энэ нь антибиотикийн зохисгүй хэрэглээтэй холбоотой ба эмийн тэсвэржилт үүсгэж, эмчилгээний чанарт сөргөөр нөлөөлж байна. 

Энэ талаар Эм, эмнэлгийн хэрэгслийн хяналт зохицуулалтын газрын дарга Н.Эрдэнэбаяр "Монгол улсад антибиотикийн зохисгүй хэрэглээ олон улсын дунджаас гурав дахин өндөр.

Цаашид өвчин эмгэгүүдийн үед хэрэглэх антибиотикийн сонголт багасаж, антибиотикийн тэсвэржилттэй холбоотой нас баралт нэмэгдэх хандлагатай байна" гэдгийг онцоллоо.