Монголын цемент үйлдвэрлэгчдийн ассоциаци ГҮТББ-аас 2026 оны 5 дугаар сарын 8-ны өдөр “Cement Expo 2026” форумыг хоёр дахь жилдээ зохион байгуулах гэж байна.

2025 оноос эхлэн дотоодын цементийн үйлдвэрүүд хамтран зохион байгуулж ирсэн тус форум нь энэ жил “Тогтвортой өсөлт — Үйлдвэрлэл ба логистикийг холбох нь” сэдвийн хүрээнд зохион байгуулагдах юм.

Аливаа улсын хөгжил дэвшлийн суурь нь дэд бүтцийн хүртээмжтэй байдлаар тодорхойлогддог. Эрчим хүч, төмөр зам, автозам зэрэг үндсэн дэд бүтцийг бүтээн байгуулахад зайлшгүй шаардлагатай гол түүхий эд нь чанартай цемент билээ.

Монгол Улсын хувьд үйлдвэрлэл хөгжих шаардлага нэмэгдэхийн хэрээр автозам, төмөр замын тээвэр логистик мөн хамтдаа хөгжих, илүү хүртээмжтэй болох шаардлага тулгарч байна. 

Иймээс “Cement Expo 2026” нь зөвхөн үйлдвэрлэлийн асуудлыг хэлэлцэхээс гадна логистикийн дэд бүтцийг хөгжүүлэх гарц шийдлийг эрэлхийлэх болно.

Үүнээс гадна форумын онцлох хэсэг болох “Ногоон цемент – Ногоон санхүүжилт” сэдэвт хэлэлцүүлгээр үйлдвэрлэлийн салбарын дараагийн шатны шилжилт — байгальд ээлтэй технологи, нүүрстөрөгч багатай үйлдвэрлэл, тогтвортой санхүүжилтийн механизмын талаар мөн хэлцэлцэнэ.

Tус арга хэмжээ нь зөвхөн мэдлэг, туршлага солилцох талбар байхаас гадна оролцогчдод networking хийх, салбарын тэргүүлэгч байгууллагуудын үзэсгэлэнгээр сонирхох, шинэ технологи, шийдлүүдтэй танилцах өргөн боломжийг олгоно.

Хаана: MPM Event Hall, Улаанбаатар

Хэзээ: 2026 оны 5 дугаар сарын 8 | 13:00–18:00

Холбоо барих: 99145278, 88585303