Иргэдийн эрүүл, аюулгүй орчинд ажиллаж, амьдрах нөхцөлийг бүрдүүлэх зорилтын хүрээнд “Нийслэлийн орон сууцны корпорац” ХК-иас БЗД-ийн аравдугаар хороонд байрлах хөдөө аж ахуйн ажилчдын 27 дугаар байрыг буулгажээ.

1962 онд баригдсан тус барилгыг 2014 онд нийслэлийн Мэргэжлийн хяналтын газраас хүн амьдрах боломжгүй, ашиглалтын шаардлага хангахгүй орон сууц болохыг тогтоосон байна.

Тиймээс дахин төлөвлөлтийн төсөл хэрэгжүүлэгчийн сонгон шалгаруулалтыг зарлаж, нийслэлийн Засаг даргын захирамжаар “Мөнгөн цахиурт” ХХК-ийг төсөл хэрэгжүүлэгчээр батламжилжээ.

Энэхүү байршилд дахин төлөвлөлт хийж, нэг блок үйлчилгээний талбай бүхий 108 айлын орон сууц барина. Өнөөдрийн байдлаар төмөр бетон бүтээцийн ажил хийгдэж байгаа аж.