2024 оны нэгдүгээр сард БЗД-ийн 26 дугаар хороо, Дүнжингарав худалдааны төвийн урд замд шингэрүүлсэн хий тээвэрлэж явсан хүнд даацын автомашин, суудлын автомашинтай шүргэлцэж, дэлбэрэлт болсон.

Дэлбэрэлтэд ойр орчимд байрлах 207 дугаар байр өртсөн бөгөөд дахин засварлах бус нурааж шинээр барих Нийслэлийн Засаг даргын захирамж гарч байв.

Энэ дагуу тус байрыг өнөөдөр буюу есдүгээр сарын 5-ны өдрөөс буулгах ажил эхлээд байна. Энэ барилгыг буулгах төсөвт өртөг нь 2.4 тэрбум төгрөг аж.
Барилга буулгах ажлыг хуучин S’Outlet дэлгүүр болон Урт цагааны барилгыг буулгасан туршлагатай компани гүйцэтгэн ажиллаж байна.

Гэрээг гурван сарын хугацаатай хийсэн ч гүйцэтгэгч компанийн захирал 30 хоногийн дотор нурааж дуусгахаар төлөвлөж байна гэсэн мэдээллийг өглөө.