УИХ-ын дарга Д.Амарбаясгаланг чөлөөлөх тухай ТББХ-ны саналыг дэмжье гэсэн томъёоллоор санал хураалт явуулахад, хуралдаанд оролцсон 114 гишүүнээс 102 нь дэмжсэнээр УИХ-ын дарга Д.Амарбаясгаланг үүрэгт ажлаас нь чөлөөллөө. УИХ-ны дараагийн даргыг сонгох хүртэл УИХ-ын даргын үүрэгт ажлыг дэд дарга Х.Булгантуяа гүйцэтгэнэ. 

УИХ-ын даргыг чөлөөлсний дараа хуралдаан даргалагч УИХ-ын дэд дарга Б.Пүрэвдорж үг хэлэв. 

Тэрбээр, Өнгөрсөн 9 жилийн хугацаанд сөрөг хүчний үүргээ бүрэн биелүүлж ажиллалаа. Таван удаагийн Засгийн газар огцруулах асуудал орж ирж, түүний нэгд нь огцруулах санал өгсөн боловч У.Хүрэлсүхийн Засгийн газар үлдсэн.

Ж.Эрдэнэбат, Л.Оюун-Эрдэнэ, Г.Занданшатарын Засгийн газар, М.Энхболд, Д.Амарбаясгалан гэж хоёр УИХ-ын даргыг огцруулсан өвөрмөц амжилтыг сөрөг хүчний хувьд гаргалаа. Ажлаа сайн хийвэл 2028 оны сонгуульд бидэнд амжилт гаргах боломж байгааг гишүүддээ хэлье.



МАН-ын бүлэг 31, 37-гоор хуваагдаж, хоёр бүлэгтэй болоод байна. Та бүхэн эвтэйхэн хуралдаж, бүлгийнхээ асуудлыг шийдмээр байна гээд УИХ-ын даргын суудлаас буув.



УИХ-ын чуулганы нэгдсэн хуралдаан үргэлжилж байна.