Ерөнхий сайдыг огцруулсан үйл ажиллагаа нь Үндсэн хуульд нийцсэн эсэх маргааныг шийдвэрлэх Үндсэн хуулийн цэцийн их суудлын хуралдаан өнөөдөр 09.30 цагт эхэллээ.

Цэцийн хуралдааны явцын талаар УИХ-ын итгэмжлэгдсэн төлөөлөгч, УИХ-ын гишүүн П.Сайнзориг, Ц.Сандагдорж нар мэдээлэл өгч байна. 

УИХ-ын гишүүн П.Сайнзориг, УИХ-ын болон холбогдох хууль тогтоомжийн дагуу нэр бүхий гишүүдийг УИХ-ын итгэмжлэгдсэн төлөөлөгчөөр томилсон. Тэдний дотор миний нэр байсан. УИХ-аар шийдвэр гаргахад оролцсон буюу шийдвэрээ хамгаалах ярих бүрэн эрхтэй хүн нь УИХ-ын гишүүд.

Үндсэн хууль хүч түрж бидний гаргасан бүх саналыг хүчингүйд тооцож байна. Дор хаяж гурван гишүүний бүрэлдэхүүнтэйгээр хэлэлцэн шийдвэрээ гаргаж, та нарын хүсэлт ийм үндэслэлтэй гэх мэтээр тайлбарлах ёстой. Дээр нь Ц.Сандаг-Очир гишүүн бид хоёрыг ярих буюу гишүүнийхээ бүрэн эрхийг хэрэгжүүлэх боломжийг олгосонгүй, гэрчээр оролцуулахаар шийдвэрлэлээ. Ингэснээр УИХ-ын институцийн бүрэн эрхэд халдлаа.

Надад гэрчлэх зүйл байхгүй. Ерөнхий сайдыг огцруулах санал өгсөн 71 гишүүний нэг нь би. Ийм байдлаар хүч түрж, Үндсэн хууль болон процессыг хуулиадаа илт зөрчиж байна. Харамсалтай байна. Гэрчээр тогтоосон, маргаан үүсгэсэн тогтоолуудыг үзүүлсэнгүй. Засгийн газрын итгэмжлэгдсэн төлөөлөгч үгээ хэлэнгүүт шууд дамжуулалтыг унтрааж байна. Юунаас ингэтлээ айж сандарч, хуйвалдаан хийж байгаа юм бэ. Монгол Улсын Үндсэн хуульт ёс, Парламентат ёсыг нураах нэг алхам хийчихэв үү гэж харж байна.