Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
2022 оны хөлбөмбөгийн ДАШТ, 2023 оны Азийн АШТ-ий урьдчилсан 2-р шатны тоглолтууд ирэх сард эхэлнэ. Эхний шатанд Брунейн шигшээ багтай 2 тоглож, нийлбэр дүн 3:2-ын харьцаатай ялсан Монголын шигшээ баг “F” хэсэгт Япон, Кыргызстан, Тажикистан, Мьянмарын багуудтай ороод байгаа юм. Манай баг хэсгийн эхний тоглолтоо 9-р сарын 5-нд Мьянмартай, дараагийн тоглолтоо 9-р сарын 10-нд Тажикистантай тус тус хийх бөгөөд эдгээр тоглолтууд Улаанбаатарт болно.
Герман улсын иргэн Майкл Вайссаар удирдуулсан Монголын шигшээ багийнхан өчигдөр буюу Ням гарагийн өглөө ДАШТ-ий өмнөх бэлтгэлээ базаахаар Унгарыг зорилоо. Монголын хөлбөмбөгийн холбоо, Унгарын хөлбөмбөгийн холбоотой сүүлийн жилүүдэд нягт хамтран ажиллаж байгаа бөгөөд алдарт хөлбөмбөгчин Ференц Пушкашийн нэрэмжит академид жил бүр Монголын өсвөрийн хөлбөмбөгчид очиж суралцаж байгаа.
Үндэсний шигшээ баг Унгарт 10 хоногийн турш хамтарсан бэлтгэлд хамрагдана. Энэ хугацаанд тэд хэд хэдэн нөхөрсөг тоглолт хийх бөгөөд “Пушкаш” академийн багаас гадна Унгарын 2 болон 3-р дивизионы клубтэй тоглох аж. Багийн бүрэлдэхүүнд нийт 23 тоглогч багтсан бөгөөд бэртлийн улмаас Брунейн эсрэг тоглолтуудад оролцоогүй Эрчим клубын М.Төгөлдөр, Г.Төгөлдөр нараас гадна энэ улиралд сайн тоглож байгаа О.Мижиддорж, Ц.Энхтөр нар дуудагджээ. ДАШТ-ий урьдчилсан шатны тоглолтуудтай холбоотойгоор “Мазала дээд лиг” болон “Холбооны цом” тэмцээнүүд 9-р сарын 14 хүртэл завсарлаад байна.
Үндэсний шигшээ багийн бүрэлдэхүүн:
Ахлах дасгалжуулагч: Майкл Вайсс (Герман)
Туслах дасгалжуулагч: Воеислав Бралушич (Серби)
Туслах дасгалжуулагч: З.Баттулга
Багийн менежер: Ч.Энхбат
Хаалгач: Э.Мөнх-Эрдэнэ (Атлетик 220), Б.Ариунболд (Эрчим), А.Сайханчулуун (Улаанбаатар)
Хамгаалагч: О.Мөнх-Оргил (Дэрэн), Д.Төрбат (Атлетик 220), А.Дөлгөөн (Дэрэн), Г.Билгүүн (Эрчим), Б.Даваажав (Эрчим), Н.Цэдэнбал (Улаанбаатар Сити), Г.Төгөлдөр (Эрчим)
Хагас хамгаалагч: А.Нармандах (Улаанбаатар Сити), Ж.Сүндорж (Хангарьд), Б.Төгсбилэг (Улаанбаатар Сити), С.Ганхуяг (Хангарьд), Б.Балжинням (Улаанбаатар), Х.Цэнд-Аюуш (Дэрэн), Г.Ганбаяр (Пушкаш академи), М.Төгөлдөр (Эрчим), М.Жансерик (Дэрэн)
Довтлогч: Э.Мөнгөнбагана (Андууд Сити), Н.Наранболд (Атлетик 220), П.Энхбилэг (Андууд Сити), О.Мижиддорж (Улаанбаатар Сити), Ц.Энхтөр (Эрчим)
А.Одбаяр
2022 оны хөлбөмбөгийн ДАШТ, 2023 оны Азийн АШТ-ий урьдчилсан 2-р шатны тоглолтууд ирэх сард эхэлнэ. Эхний шатанд Брунейн шигшээ багтай 2 тоглож, нийлбэр дүн 3:2-ын харьцаатай ялсан Монголын шигшээ баг “F” хэсэгт Япон, Кыргызстан, Тажикистан, Мьянмарын багуудтай ороод байгаа юм. Манай баг хэсгийн эхний тоглолтоо 9-р сарын 5-нд Мьянмартай, дараагийн тоглолтоо 9-р сарын 10-нд Тажикистантай тус тус хийх бөгөөд эдгээр тоглолтууд Улаанбаатарт болно.
Герман улсын иргэн Майкл Вайссаар удирдуулсан Монголын шигшээ багийнхан өчигдөр буюу Ням гарагийн өглөө ДАШТ-ий өмнөх бэлтгэлээ базаахаар Унгарыг зорилоо. Монголын хөлбөмбөгийн холбоо, Унгарын хөлбөмбөгийн холбоотой сүүлийн жилүүдэд нягт хамтран ажиллаж байгаа бөгөөд алдарт хөлбөмбөгчин Ференц Пушкашийн нэрэмжит академид жил бүр Монголын өсвөрийн хөлбөмбөгчид очиж суралцаж байгаа.
Үндэсний шигшээ баг Унгарт 10 хоногийн турш хамтарсан бэлтгэлд хамрагдана. Энэ хугацаанд тэд хэд хэдэн нөхөрсөг тоглолт хийх бөгөөд “Пушкаш” академийн багаас гадна Унгарын 2 болон 3-р дивизионы клубтэй тоглох аж. Багийн бүрэлдэхүүнд нийт 23 тоглогч багтсан бөгөөд бэртлийн улмаас Брунейн эсрэг тоглолтуудад оролцоогүй Эрчим клубын М.Төгөлдөр, Г.Төгөлдөр нараас гадна энэ улиралд сайн тоглож байгаа О.Мижиддорж, Ц.Энхтөр нар дуудагджээ. ДАШТ-ий урьдчилсан шатны тоглолтуудтай холбоотойгоор “Мазала дээд лиг” болон “Холбооны цом” тэмцээнүүд 9-р сарын 14 хүртэл завсарлаад байна.
Үндэсний шигшээ багийн бүрэлдэхүүн:
Ахлах дасгалжуулагч: Майкл Вайсс (Герман)
Туслах дасгалжуулагч: Воеислав Бралушич (Серби)
Туслах дасгалжуулагч: З.Баттулга
Багийн менежер: Ч.Энхбат
Хаалгач: Э.Мөнх-Эрдэнэ (Атлетик 220), Б.Ариунболд (Эрчим), А.Сайханчулуун (Улаанбаатар)
Хамгаалагч: О.Мөнх-Оргил (Дэрэн), Д.Төрбат (Атлетик 220), А.Дөлгөөн (Дэрэн), Г.Билгүүн (Эрчим), Б.Даваажав (Эрчим), Н.Цэдэнбал (Улаанбаатар Сити), Г.Төгөлдөр (Эрчим)
Хагас хамгаалагч: А.Нармандах (Улаанбаатар Сити), Ж.Сүндорж (Хангарьд), Б.Төгсбилэг (Улаанбаатар Сити), С.Ганхуяг (Хангарьд), Б.Балжинням (Улаанбаатар), Х.Цэнд-Аюуш (Дэрэн), Г.Ганбаяр (Пушкаш академи), М.Төгөлдөр (Эрчим), М.Жансерик (Дэрэн)
Довтлогч: Э.Мөнгөнбагана (Андууд Сити), Н.Наранболд (Атлетик 220), П.Энхбилэг (Андууд Сити), О.Мижиддорж (Улаанбаатар Сити), Ц.Энхтөр (Эрчим)
А.Одбаяр