Чингэлтэй дүүргийн 19 дүгээр хорооны нутаг Өвөр гүнт рүү явах зам дагуу 11-р сарын 26-ны 10.35 цагт байшин шатаж байна гэсэн дуудлага иржээ. 

Дуудлагын дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн бүрэлдэхүүнийг очиход 10х8 хэмжээтэй 2 давхар мансардтай байшин шатаж, гал түймэр тархсан байжээ. 

Иймд нэмэлтээр  Гал түймэр унтраах, аврах 34 дүгээр анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүн шуурхай ажиллаж, гал түймрийн тархалтыг 11:25 цагт зогсоож, 14:20 цагт галыг бүрэн унтраалаа гэж ОБЕГ-аас мэдээлэв.