БНХАУ-ын эдийн засгийн нөхцөлөөс шалтгаалан нүүрсний үнэ тодорхой түвшинд буурсан. Үнэ буурсан ч “Эрдэнэс Тавантолгой” ХК борлуулалтыг тасралтгүй, хэвийн явуулах бодлого баримталж, биржийн арилжааг тогтмол явуулж байна.

• Нэгдүгээр сард зургаан удаагийн арилжаа, 
• Хоёрдугаар сард 4 удаагийн арилжааг амжилттай зохион байгуулж, 31,6 сая ам.долларын үнэлгээ бүхий 352 мянган тонн нүүрс Монголын хөрөнгийн биржээр арилжаалжээ.

Энэ сард эрчим хүчний болон баяжуулсан коксжих нүүрс арилжихаар төлөвлөсөн. 2025 он гарснаас хойш Хөрөнгийн Биржийн нээлттэй цахим арилжаагаар амжилттай хийсэн хэлцлийн 92 хувийг "Эрдэнэс Тавантолгой"н хэлцэл бүрдүүлжээ.

“Эрдэнэс Тавантолгой” ХК 2025 оны эхний хоёр сард 3.3 сая тонн нүүрс борлуулж, 268 сая ам.долларын борлуулалтын орлоготой ажиллаж, нийт 4.2 сая тонн нүүрс БНХАУ-д экспортолсон байна.