Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
148
Засгийн газраас 2024 оны наймдугаар сарын 30-ны өдөр 2025 төсвийн төслийг УИХ-д өргөн мэдүүлсэн. Ирэх оны төсөвт төрийн албан хаагчдын цалин болон өндөр настны тэтгэврийг хэрхэн нэмэгдүүлэхээр төлөвлөсөн талаарх мэдээллийг хүргэе.
Төсвийн төсөлд:
Ирэх 2025 онд 226.2 мянган төрийн албан хаагчдын цалин хөлсийг инфляцын түвшинтэй уялдуулан 6.0 хувиар нэмэгдүүлэхээр тооцжээ. Ингэснээр төрийн захиргааны болон төрийн мэргэжлийн үйлчилгээний албан хаагчдын цалингийн доод хэмжээ 1,166.0 мянган төгрөг (суманд 1,632.4 мянган төгрөг, аймгийн төв болон нийслэлийн алслагдсан гурван дүүрэгт 1,399.2 мянган төгрөг), төрийн нийтлэг үйлчилгээний албан хаагчийн цалингийн доод хэмжээ 954.0 мянган төгрөг (суманд 1,335.6 мянган төгрөг, аймгийн төв болон нийслэлийн алслагдсан 3 дүүрэгт 1,144.8 мянган төгрөг) болж нэмэгдэхээр байна.
ӨНДӨР НАСТНЫ ТЭТГЭВРИЙН ДУНДАЖ ХЭМЖЭЭ 875.8 МЯНГАН ТӨГРӨГ БОЛЖ НЭМЭГДЭНЭ
Нийгмийн даатгалын сангаас олгох тэтгэвэр тогтооход баримтлах итгэлцүүрийг 2023 онд шинэчилснээр тэтгэврийн зөрүүг бууруулж 164.6 мянган ахмадын орлогыг нэмэгдүүлсэн байна. Түүнчлэн, тэтгэврийн зөрүүг бууруулсан сууриас тооцож нийт 496.3 мянган иргэний тэтгэврийг 2023 оны долоодугаар сараас 10 хувь, 2024 оны дөрөвдүгээр сараас 100.0 мянган төгрөгөөр тус тус нэмэгдүүлээд байна. Тэтгэвэр нэмэгдүүлсэн эдгээр арга хэмжээнүүдийн үр дүнд 2024 оны дөрөвдүгээр сараас өндөр насны тэтгэврийн дундаж хэмжээ 826.2 мянган төгрөгт хүрч нэмэгдээд байна.
Улсын Их Хурлаас 2023 онд Нийгмийн даатгалын багц хуулийг шинэчлэн баталсан. Эдгээр хуульд тэтгэврийг жил бүр инфляцаар индексжүүлэх, малчдын тэтгэврийн даатгалын шимтгэлийн 50 хувийг улсын төсвөөс хариуцах, тэтгэвэр тогтооход баримтлах итгэлцүүрийг жил бүр шинэчлэхээр тус тус заасан тул тэтгэвэр авагч 510.0 мянган иргэний тэтгэврийг инфляцтай уялдуулан 6.0 хувиар нэмэгдүүлэх, итгэлцүүр шинэчлэх болон малчны тэтгэврийн шимтгэлийн 50 хувийг төр хариуцах зардлыг тус тус тооцож 2025 оны төсөвт тусгалаа. Өндөр насны тэтгэврийг ирэх онд инфляцтай уялдуулан нэмэгдүүлснээр дундаж хэмжээ 875.8 мянган төгрөг болж нэмэгдэнэ гэж тусгажээ.
Засгийн газраас 2024 оны наймдугаар сарын 30-ны өдөр 2025 төсвийн төслийг УИХ-д өргөн мэдүүлсэн. Ирэх оны төсөвт төрийн албан хаагчдын цалин болон өндөр настны тэтгэврийг хэрхэн нэмэгдүүлэхээр төлөвлөсөн талаарх мэдээллийг хүргэе.
Төсвийн төсөлд:
Ирэх 2025 онд 226.2 мянган төрийн албан хаагчдын цалин хөлсийг инфляцын түвшинтэй уялдуулан 6.0 хувиар нэмэгдүүлэхээр тооцжээ. Ингэснээр төрийн захиргааны болон төрийн мэргэжлийн үйлчилгээний албан хаагчдын цалингийн доод хэмжээ 1,166.0 мянган төгрөг (суманд 1,632.4 мянган төгрөг, аймгийн төв болон нийслэлийн алслагдсан гурван дүүрэгт 1,399.2 мянган төгрөг), төрийн нийтлэг үйлчилгээний албан хаагчийн цалингийн доод хэмжээ 954.0 мянган төгрөг (суманд 1,335.6 мянган төгрөг, аймгийн төв болон нийслэлийн алслагдсан 3 дүүрэгт 1,144.8 мянган төгрөг) болж нэмэгдэхээр байна.
ӨНДӨР НАСТНЫ ТЭТГЭВРИЙН ДУНДАЖ ХЭМЖЭЭ 875.8 МЯНГАН ТӨГРӨГ БОЛЖ НЭМЭГДЭНЭ
Нийгмийн даатгалын сангаас олгох тэтгэвэр тогтооход баримтлах итгэлцүүрийг 2023 онд шинэчилснээр тэтгэврийн зөрүүг бууруулж 164.6 мянган ахмадын орлогыг нэмэгдүүлсэн байна. Түүнчлэн, тэтгэврийн зөрүүг бууруулсан сууриас тооцож нийт 496.3 мянган иргэний тэтгэврийг 2023 оны долоодугаар сараас 10 хувь, 2024 оны дөрөвдүгээр сараас 100.0 мянган төгрөгөөр тус тус нэмэгдүүлээд байна. Тэтгэвэр нэмэгдүүлсэн эдгээр арга хэмжээнүүдийн үр дүнд 2024 оны дөрөвдүгээр сараас өндөр насны тэтгэврийн дундаж хэмжээ 826.2 мянган төгрөгт хүрч нэмэгдээд байна.
Улсын Их Хурлаас 2023 онд Нийгмийн даатгалын багц хуулийг шинэчлэн баталсан. Эдгээр хуульд тэтгэврийг жил бүр инфляцаар индексжүүлэх, малчдын тэтгэврийн даатгалын шимтгэлийн 50 хувийг улсын төсвөөс хариуцах, тэтгэвэр тогтооход баримтлах итгэлцүүрийг жил бүр шинэчлэхээр тус тус заасан тул тэтгэвэр авагч 510.0 мянган иргэний тэтгэврийг инфляцтай уялдуулан 6.0 хувиар нэмэгдүүлэх, итгэлцүүр шинэчлэх болон малчны тэтгэврийн шимтгэлийн 50 хувийг төр хариуцах зардлыг тус тус тооцож 2025 оны төсөвт тусгалаа. Өндөр насны тэтгэврийг ирэх онд инфляцтай уялдуулан нэмэгдүүлснээр дундаж хэмжээ 875.8 мянган төгрөг болж нэмэгдэнэ гэж тусгажээ.