Дархан-Уул аймаг 104 мянган хүн амтай, хүн амын тоогоороо наймд жагсдаг. Ирэх онд тус аймагт улсын төсвөөс хийх ажлуудыг танилцуулж байна.  

                               ЦАХИЛГААН, ДУЛААН ХАНГАМЖ САЙЖРУУЛАХ ХӨРӨНГӨ ОРУУЛАЛТУУД:

• Дулаан дамжуулах сүлжээний ТК27-ТК39 хүртэлх дулааны шугамын өргөтгөл,
• Үйлдвэрийн районы ТК80-ТК94 хүртэлх дулааны шугамын шинэчлэл,
• Шарын гол сум, Дархан баг чиглэлийн дулааны шугамын өргөтгөл,
• Мэдээлэл холбооны Дархан дэд төв /Дархан сум, 1, 2, 3 дугаар баг/

АВТО ЗАМЫН САЛБАРЫН ХӨРӨНГӨ ОРУУЛАЛТУУД

• Хонгор сумаас Салхит баг хүртэлх 13.1 км авто зам,
• Аймгийн төвийн хатуу хучилттай авто замын 2 дахь үе шат /6, 7 дугаар баг/
• Аймгийн төвийн хатуу хучилттай авто зам /1, 2, 8 дугаар баг/
• Аймгийн төв доторх авто замын шинэчлэл, засвар,
• Гэр хорооллын доторх хатуу хучилттай 14 км авто зам,
• Дархан сум, 4, 5, 8, 9, Өргөө баг авто замын их засвар, шинэчлэл,
• Орхон сумын төвийн доторх авто замын их засвар,
• Улаанбаатар-Дархан чиглэлийн 204.6 км авто замын ТЭЗҮ болон инженерийн нарийвчилсан зураг төсөл боловсруулах ажлын үлдэгдэл санхүүжилт зэрэг санхүүжилт үргэлжлүүлэн хийнэ.

БОЛОВСРОЛЫН САЛБАРЫН ЧАНАР,  ХҮРТЭЭМЖИЙГ САЙЖРУУЛАХ ХӨРӨНГӨ ОРУУЛАЛТУУД

• Дархан сумын Өргөө баг, Хонгор сумын Салхит баг тус бүрийн 100 ортой цэцэрлэгийн барилга,
• Дархан сум, Орхон сумын 9-р цэцэрлэгийн барилгын өргөтгөл,
• 3-р багийн 480 суудалтай сургуулийн барилга,
• 9-р сургуулийн 320 суудалтай барилгын өргөтгөл,
• АШУҮИС-ын барилгын өргөтгөл "Спорт заалны барилга"
• АШУҮИС-ын Анагаахын сургуулийн дотуур байрны барилгын их засвар
• ХААИС-ийн харьяа Агроэкологи, бизнесийн сургуулийн барилгын их засвар,
• ШУТИС-ийн Дархан-Уул аймаг дахь Технологийн сургуулийн барилгын их засвар,
• Ерөнхий боловсролын сургуулиудын анги танхим, багш нарын өрөөний тохижилт, тоног төхөөрөмж,
• Ерөнхий боловсролын сургуулиудын сургалтын тоног төхөөрөмж,
• Музей, номын сангийн цогцолбор,
• Хуучин Дархан спортын ордон,
• Хонгор сум, Салхит багийн Спорт заалны барилга зэрэг бүтээн байгуулалтууд үргэлжилнэ.

НИЙГМИЙН ДЭД БҮТЦИЙГ САЙЖРУУЛАХ ХӨРӨНГӨ ОРУУЛАЛТУУД

• Аврах гал унтраах ангийн барилга,
• Гэр хорооллын инженерийн шугам сүлжээ /Дархан сум, 5, 6, 7 дугаар баг/,
• "Миний Монгол" цэцэрлэгт хүрээлэнгийн хөл бөмбөгийн иж бүрэн талбай, тохижилт,
• Шарын гол сумын хуучин хөл бөмбөгийн талбайг түшиглэн орчин үеийн хөл бөмбөгийн талбай байгуулах,
• Хабитат, Мангирт чиглэлийн дулаан хангамжийн 2 дугаар контур,
• Дархан хотын гэрэлтүүлэг,
• Үерийн ус зайлуулах суваг /15 дугаар баг/,
• Цэвэр усны шугамын шинэчлэл,
• Хонгор сумын цэвэрлэх байгууламжийн засвар, шинэчлэл,
• Нийтийн эзэмшлийн орон сууцны засвар, шинэчлэл зэрэг бүтээн байгуулалтын ажлууд үргэлжлүүлэн хийнэ.

Дээрх ажлуудыг гүйцэтгэхэд нийт 82.1 тэрбум төгрөг зарцуулна. Гэр хорооллын доторх 14 км авто зам засахад нийт 11.5 тэрбум буюу хамгийн өндөр төсөв төсөвлөжээ.