Зарим иргэн Эрүүл мэндийн болон бусад байгууллагыг дэмжих үйл ажиллагаанд хангалтгүй оролцож байгаа аж. Цагдаагийн алба хаагчдын шаардлагыг биелүүлэхгүй, уурлаж бухимдах хүмүүс цөөнгүй байгаа талаар ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан мэдээлэл өглөө.

Ш, А гэх хоёр хүн бага насны хүүхдээ дагуулаад Итали улсаас ирсний дараа асуумж авахад хаагуур явсан талаараа худал мэдүүлжээ.  

"МУ-ын Засгийн газар, УОК-ын шийдвэрээр Сар шинийн баяраар ард иргэд, төрийн байгууллага, орон нутгийн засаг захиргаа дэглэмийн үед ухамсартай сайн ажилласанд талархлаа илэрхийлье.

Цагдаагийн байгууллага эрүүл мэнд, онцгой, мэргэжлийн хяналтын байгууллагтай хамтран ажиллаж байна. Төр засгаас хэрэгжүүлж байгаа ажилд ард иргэдийн зарим хариуцлагагүй хэсэг буюу өвчний аюулыг ойлгоогүй байдал, хуулийг сахиж, хэрэжүүлдэггүй хүмүүс зөрчил үүсгэж байна. Тусгаарлалтад байгаа иргэд зөрчил гаргаж байна. Жишээлбэл, Хөвсгөл аймгийн харьяат, сувилагч эмэгтэй бусдыгаа "Эндээс гаръя" хэмээн турхирч, эмнэлэгт жагсаал маягийн юм хийхээр оролдсон. Мөн ХӨСҮТ-д тусгаарлагдсан иргэдээс гарч, орох талаар асуудал үүсгэсэн.

Налайхын харьяат хүн онгоцноос буунгуутаа зугтаах оролдлого хийсэн. Зарим нь өөр газар тусгаарлагдана гэж эрүүл мэндийн байгууллагын үйл ажиллагааг эсэргүүцсэн.

Мөн Цэргийн төв эмнэлэгт байгаа нэг иргэн ачаа тээшиндээ авч орж ирсэн согтууруулах ундаагаа өөр ууж, саванд хийж бусдад өгөх гэж оролдон тусгаарласан өрөөнүүдийн хаалгыг татсан гэх мэт зөрчил бүртгэгдлээ. Монгол Улс хэдий эрх чөлөөт улс гэсэн нь хүний амь нас, эрүүл мэнд илүү чухал учир өөрийн болон бусдын амь насыг хамгаалж, улсаас тавьж буй онцгой шаардлагуудыг иргэн бүр биелүүлэх ёстой. 

Мөн нэг иргэн онгоцноос буунгуутаа Налайх руу зугтаах оролдлого хийсэн. Зарим нь өөр газар тусгаарлагдана гэж эрүүл мэндийн байгууллагын үйл ажиллагааг эсэргүүцсэн. Ш, А гэх хоёр хүн бага насны Н хүүхдээ дагуулаад Итали улсаас ирсний дараа асуумж авахад хаагуур явсан талаарх мэдээллээ нарийн хэлэхгүй, худал мэдүүлсэн. Зөрчил гаргаж буй иргэд үйлдлээ таслан зогсоохгүй гэвэл олон нийтэд ил тод мэдээлнэ.

Энэ үүргээ биелүүлээгүй хэн ч байсан зөрчлийн болон эрүүгийн хариуцлага тооцно. Бид тухай бүрт нь баримтжуулж байгаа ба тодорхой хугацааны дараа дэглэм дууссан хойно бүгдэнд нь хуулийн хатуу хариуцлага тооцох болно. Тиймээс зөрчил гаргахгүй байхыг онцгойлон хүсье" гэсэн юм.