2025 оны төсвийн тухай хуульд Төрийн зарим байгууллагын 2025 оны төсвийн жилд нэмэгдэхээр тооцсон шинэ орон тоог тодорхой хувиар бууруулахтай холбоотойгоор төсвийн нийт урсгал зардлыг 73,2 тэрбум төгрөгөөр бууруулсан.

Дээрх зардлын эх үүсвэрээр

• Хавдрын эмнэлгийн зориулалтаар ашиглах объектыг лизингээр авах зардал,
• Сургууль, цэцэрлэг, дотуур байрны хүүхдийн хоолны зардал,
• Гурван ээлжээр хичээллэж байгаа ЕБС-ийн байрны түрээсийн зардалд 10 тэрбум төгрөг
• ХСҮТ-ийн барилгын засварт 2,9 тэрбум төгрөг
• Эрчим хүчний бодлогын шинэчлэхэд 5 тэрбум төгрөгийг зарцуулахаар төсвийн төсөлд тус тус нэмжээ.

2025 оны нэгдсэн төсвийн тэнцвэржүүлсэн орлого, тусламжийн дүн 33.5 их наяд төгрөг. Энэ нь ДНБ-ий 35.2 хувь, нийт зарлага ба цэвэр зээлийн дүн 33.5 их наяд төгрөг буюу ДНБ-ий 35.2 хувьд хүрчээ.

Нэгдсэн төсвийн тэнцвэржүүлсэн тэнцэл алдагдалгүй болж, суурь тэнцэл дотоодын нийт бүтээгдэхүүний 3.3 хувийн ашигтай болж байна гэж Сангийн яамнаас мэдээлэв.

УИХ-д суудалтай 5 нам, эвслийн төлөөллөөс бүрдсэн Төсвийн ажлын хэсгийн гишүүд асуудалд улсын эрх ашгийн үүднээс хандахыг эрмэлзэж, харилцан ойлголцож, сайд нартай уулзан хүндрэл шийдвэрийг судалж, хасах боломжтойг хасаж, нэмэх хэрэгтэй газар нэмж, басхүү улстөрийн нөхцөл байдлыг дэнслэн ажилласан нь мухардлаас гарч өнөөдөр улсын төсөв батлахад чухал үүрэг гүйцэтгэсэн гэж үзэж байна. ХҮН нам -с Г.Уянгахишиг гишүүний хамт ажлын хэсэгт орж ажилласан.

Хүүхдийн хоолны мөнгө, хавдрын эмнэлэг, цэцэрлэг сургуулийг дэмжихэд бүх гишүүд санал нэгдэж, УИХ-ын чуулганаар дэмжигдсэн.

Ажлын хэсгийн ахлагч УИХ-ын Гишүүн Г.Тэмүүлэн

Гишүүд:

1. Ж.Золжаргал

2. Р.Сэддорж

3. Ж.Алдаржавхлан

4. А.Ариунзаяа

5. Т.Аубакир

6. Ж.Батжаргал

7. Б.Бат- Эрдэнэ

8. Ж.Баярмаа

9. Д.Ганмаа

10. Х.Ганхуяг

11. Б.Жаргалан

12. Д.Жаргалсайхан

13. Б.Заяабал

14. М.Мандхай

15. Ц.Мөнхбат

16. П.Мөнхтулга

17. М.Нарантуяа-Нара

18. О.Номинчимэг

19. Д.Пүрэвдаваа

20. Л .Соронзонболд

21. Б.Тувшин

22. Г.Уянгахишиг

23. С.Цэнгүүн

24. Б.Энхбаяр

25. Д.Энхтүвшин нар ажиллажээ.