Боловсролын сайд П.Наранбаяр өнөөдөр мэдээлэл хийлээ.  

Тэрбээр, Сурах бичиг, сургуулийн өмнөх боловсролын хөтөлбөр, 1-5 дугаар ангийн сурагчдын сургалтын үндэсний хөтөлбөр, сурах бичгийг шинэчлэн гаргах 254 хүний бүрэлдэхүүнтэй томоохон ажлын хэсэг байгуулсан. Ажлын хэсэгт мэргэжлийн судлаачид, сурах бичиг хэвлэх үйлдвэрүүдийн төлөөлөл орсон.

Шинэ сурах бичгийн эхний хувилбарууд 10,  11 дүгээр сараас гарна. Эхний ээлжинд 100 гаруй сургуульд туршаад, ирэх жилээс үндэсний хэмжээнд нэвтрүүлнэ. Үүнтэй холбоотойгоор 1-5 дугаар ангид сурагчдын унших бичгийг сэргээж, хүүхдийн унших чадварыг нэмэгдүүлнэ. Минутад олон үг уншихаас илүү уншсанаа ойлгох чадвар чухал. 

Шинээр зохиогдох сурах бичиг интерактив QR кодтой, эсвэл AR-тай хүүхэд сурах бичигтэйгээ ажиллах боломжит хэмжээнд гарах ёстой. Сургалтын ийм орчингүйгээр бид дэлхийтэй хөл нийлүүлэн алхах боломжгүй болсон гэлээ.