Хамтарсан Засгийн газар байгуулагдсаны дараа Эдийн засаг, хөгжлийн яамыг АН-ын дарга, Тэргүүн шадар сайд Л.Гантөмөр удирдах болсон. Тус яамны харьяанд Хөгжлийн банк бий.

Иймд Хөгжлийн банкны удирдлагыг АН-аас сонгоно. УИХ-ын гишүүн гишүүн, Санхүүгийн зохицуулах хорооны дарга асан З.Нарантуяа болон Завхан аймгийн Засаг дарга асан, Төрийн банкны даргаар ажиллаж байсан Д.Батсайхан нарын нэрс тус банкны удирдлагад яригдаж байна.

Хөгжлийн банк олон улсаас татан төвлөрүүлсэн 3.1 их наяд төгрөгийн төлбөрийг нөөц хөрөнгөөрөө төлжээ. Ингэснээр банкны урт хугацааны зээлжих зэрэглэлийг B+ болгон ахиулахад нөлөөлсөн байна.

Зээлжих зэрэглэл тогтоогч Фитч агентлаг энэ сард Засгийн газрын зээлжих зэрэглэлийг В+ болгосноор Хөгжлийн банк, ХААН, Хас банкны зээлжих зэрэглэл нэг шат ахисан юм.