#CS2 Бразилын "paiN Gaming" багаас хариугаа авч 3-0 амжилттай playoffs-т шалгарлаа. Тэд S-Tier буюу CS2-ын хамгийн өндөр зэрэглэлийн гурван тэмцээн дараалан playoffs шатанд шалгарсан анхны Ази баг юм.

PGL-ээс зохиож буй CS2-ын 1,250,000 ам.долларын шагналын сантай "PGL Cluj-Napoca 2025" тэмцээн Румын улсын Бухарест хотод үргэлжилж байна.

Дэлхийн чансааны 3-т бичигдэж буй байраар тэмцээнд шууд уригдсан Монголын "The MongolZ" өнгөрсөн шөнө хэсгийн шатны гурав дахь тоглолтоо Бразилын "paiN Gaming" багтай хийж 2-1 (Inferno 16-13, Dust II 14-16, Mirage 13-8) харьцаагаар хожлоо.

Хоёр баг өмнө хоёр удаа таарч тоглоход Бразилчууд илүүрхэж байв.

Тоглолтод Мөнхболдын "senzu" Азбаяр +17 frag, 81.6 ADR (Average Damage per Round)-тай багаа тэргүүлэв.

Баянбатын "maaRaa" Эрдэнэдалайгийн удирдсан баг ийнхүү S-Tier буюу CS2-ын хамгийн өндөр зэрэглэлийн гурван тэмцээн дараалан playoffs шатанд шалгарлаа. Мэдээж тэд энэ амжилтыг бүтээсэн анхны Ази баг юм.

Playoffs шатны тоглолтууд дөрвөн өдрийн дараа Клүж-Напока хотод эхэлнэ.

• Үзүүштэй тулааны эцэст The MongolZ дахиж хожлоо
• The MongolZ-ын эхний хожил хэцүү байсангүй
• The MongolZ-ыг хожсон Vitality Катовицед аваргаллаа

Тэмцээнд дэлхийн аварга "Natus Vincere", "Spirit", "Vitality" болон "G2", "Liquid", "FURIA", "GamerLegion" зэрэг шилдгүүд оролцохгүй өнжиж байгаа бол "FaZe Clan", "MOUZ" зэрэг томчууд тоглож байна.

Тэмцээний хэсгийн шат швейцар системээр болж хамгийн түрүүлж гурав хожсон найман баг playoffs шатанд шалгарч байна. Финалын тоглолтоос бусад бүх тоглолт Bo3 журмаар болно.

Ялагч нь 400,000 ам.доллар авах бол ердөө оролцсоныхоо төлөө 12,500 ам.долларыг халааслах уг тэмцээнд монгол дасгалжуулагчтай Австралийн "FlyQuest" баг мөн оролцсон ч өнгөрсөн шөнө Португалын "SAW"-д хожигдож тэмцээнээ дуусгалаа.