УИХ-ын дарга асан З.Энхболд тайлбар өгөв. Хотын дарга Х.Нямбаатар өнөө өглөө машинаасаа шууд дамжуулалт хийж, ноцтой мэдэгдлүүд хийсэн. Иймд УИХ-ын дарга асан З.Энхболд дараах тайлбарыг өгөв.

-Хотын дарга Х.Нямбаатар гэдэг нөхөр намайг гүтгэжээ. Би Өвөрхангай аймгийн Баруун  баян улаан суманд мод зүлэг тарьж долоо хоносон. Нарийнтээл, Уянга сумаар ороод, одоо харих гэж байна. Уянга сумын эрх чөлөөний хөшөөний хажууд байна. хуучин бичлэг байна, худлаа яриад байна гэж хэлж магад гээд та бүхэнд харуулж байна. Яаж  ч гүтгэдэг тул энд цэцэрлэгийн хүүхдүүд Эрх чөлөөний хөшөөнд зураг авхуулах гэж иржээ.

Би энд долоо хонож байгаа хүн яаж алх бариад, Улаанбаатарын замын хаалтыг хагалах вэ дээ гэв. Тэрээр хотын дарга Х.Нямбаатараас уучлал гуйхыг шаардаж, эс бөгөөс цагдаад хандана. Би алх бариад замын хаалт эвдлээ гэхэд монголын ард түмэн итгэхгүй. Ийм тэнэг бодол Х.Нямбаатарын толгойд л төрнө.

20-иод мянган төгрөгийн замын хашлагыг 100-аад мянган төгрөгөөр яагаад авсандаа хариул.

20-иод мянган төгрөгийн замын хашлагыг 100-аад мянган төгрөгөөр яагаад авсандаа хариулт өгөхийн оронд алх бариад хагалсан тухай ярьсан нь ойлгомжгүй байна. УИХ-ын гишүүн байсан хүн ийм доошоо орж, гүтгэлэг хийхээ боль. Залруулга гарга. Би мод зүлэг тариад, буяны ажил хийж байна. Говьд мод тарих их хэцүү. Улаанбаатарын сонгуулиа Улаанбаатартаа л хий. Надад ямар хамаа байна аа. Харин ч би энэ хашлагын учрыг ольё гэж бодлоо. Яахаараа 132 мянган төгрөгөөр оруулав? Яагаад алхаар цохихоор хагарав” Чулуу бол хагарах ёсгүй. Замаас засахын оронд хашлагаа солиод байдаг юм бэ?

З.Энхболд хагалсан тул зам засахаа зогсоолоо гэдэг нь дараагийн ажил нь юм байна. Алх бариад хашлага хагалж байдаг завтай хүн хаана байх вэ дээ? Улсын төсвийн хөрөнгөөр Улаанбаатарыг тохижуулж болно. Гэхдээ замын хашлага шиг мөнгө идэж болохгүй. Замаа барь. Тогтсон үнэ ханш гэж байна. арай ч дээ, Х.Нямбаатар аа, чи.

Улаанбаатарын олон даргыг зүсэн. Ийм овилгогүй дарга үзээгүй. Арай л байна. монголчууд сонгуулиар дүнг нь тавих байх. Хашлаганы мөнгөний зөрүү хаачсаныг АН-аас нэр дэвшсэн хүмүүс учрыг нь олох хэрэгтэй. Хятадын үйлдвэрлэгчид рүү очоод, алхаар цохихоор хагараад байна? Та нар ямар юм өгсөн бэ? Гэж асуугаад.

Энэ бүх мэдээлэл шилэн дансанд бий. Намайг хашлага хагалсан хэмээн гүтгэсэнд миний инээд хүрч байна. Тэрийг нь МАН-ын гэрээт хэвлэлүүд өлгөж аваад, зам засуулаагүй буруутан нь гэж хоёр дахь цувралдаа бэлдэж байна. Ардын намынхан арай л арчаагүй байна. Богд хор өгөөд Сүхбаатарыг алсан гэдэг шиг худлаа гүтгэлгээ зогсоо. Та нар 103 жил гүтгэлэг явууллаа. Сонгуулиа хүн шиг хийгээч. Улаанбаатарыг найман жил яаж тохижуулсан дүнгээ тавиул. АН-ынхан сонгуульд ялж, үүнээс илүү яаж ажилладгаа харуул.                            

Уянга сумын эрх чөлөөний хөшөө их учиртай. УИХ-ын сонгуулиас 3 хоногийн өмнө би энэ хөшөөний хажууд есөн нэр дэвшигчтэйгээ зураг авхуулсан. Тэдний 7 нь УИХ-ын гишүүн болсон. Эндээс УБ-ын АН-ынханд амжилт хүсье. Э.Бат-Үүлийн дөрвөн жилийг эс тооцвол МАН 103 жил засаглаж байгаагаа харчих. 20 мянгын замын хашлагыг 130мянгаар аваад, зөрүүг нь та нарт авлига болгож өгнө. Саналаа худалдав аа.

Өвөрхангай, Архангай, Баянхонгорынхон саналаа худалдаагүй. Ийм зөв сонголт хийх хэрэгтэй. Баахан мөнгө тараагаад байгаа нь та нарын мөнгө биш, наад хашлагын чинь зөрүүнээс гарсан. УБ-ынхан ажлаа хийцгээ. Эрх барьж буй нам замаа зас. Зам засахыг хэн ч эсэргүүцээгүй. Хөгийн юмаар оролдох юм даа. Х.Нямбаатар чи уучлал гуйгаарай. УБ-ынхан хангайн гурван аймгаас үлгэр жишээ аваарай. Хангайн аймгуудад АН ялахаар байна.   гэв.