“Улаанбаатар-2024” боксын Дэлхийн цомын тэмцээн өчигдөр буюу есдүгээр сарын 23-ны өдөр эхэлсэн. Тус тэмцээн нь анх удаагаа Азид тэр дундаа Монгол Улсад болж буйгаараа онцлог. 

Энэ сарын 26-ны өдөр хүртэл UG Arena-д үргэлжлэх тэмцээнд Их Британи, Герман, Япон, Сингапур, Итали, Уэльс, Австрали, Перу, Өмнөд Солонгос, БНХАУ, Филиппин болон зохион байгуулагч Монгол Улсын нийт 170 тамирчин өрсөлдөж байна.

Энэхүү тэмцээнээр анх удаа Дэлхийн боксын холбооны эрэмбийн оноог өгөх юм.

Эх сурвалж: МҮОХ