Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
92
Хөгжлийн бэрхшээлтэй иргэдийн орчны хүртээмжийг сайжруулах зорилготой “Гэрээсээ гарцгаая” аяныг хэрэгжүүлж буй.
Энэ хүрээнд өчигдөр УИХ-ын гишүүн О.Саранчулуун, нийслэлийн Засаг даргын нэгдүгээр орлогч Т.Даваадалай, холбогдох албаныхан болон хөгжлийн бэрхшээлтэй иргэдийн төлөөлөл хотын гудамж, үйлчилгээний байгууллага, нийтийн тээврийн үйлчилгээг туршиж, орчны нөхцөл байдалтай танилцжээ.
Аяны эхэнд оролцогчид 2.5 км замыг туулж, үйлчилгээний байгууллагуудын хүртээмжтэй байдлыг шалгав. Хөгжлийн бэрхшээлтэй иргэд, ялангуяа тэргэнцэртэй хүмүүс дэлгүүр, хоолны газар зэрэг газруудад орохдоо налуу зам дутагдалтай, хаалганы хөндлөвч төмөр болон бусад саад тотгоруудтай тулгардаг болохыг онцлов.
Үүний дараа төвийн гудамж, явган замын нөхцөл байдлыг шалгажээ. Хотын төвийн 15 байршилд нийт 59.6 км явган замыг байгалийн чулуугаар жигдэлж, нэг стандарттай болгох ажлыг хэрэгжүүлж байгаа нь бүх иргэнд ээлтэй орчныг бий болгох зорилготой гэж холбогдох албаныхан хэлэв.
Хуучин замын эвдрэл, доголтой хэсгүүд нь тэргэнцэртэй иргэд болон хүүхдийн тэрэгтэй хүмүүст хүндрэл учруулдаг. Харин шинэчлэгдсэн байгалийн чулуугаар хийсэн явган замууд илүү хүртээмжтэй, аюулгүй байгааг гэв.
УИХ-ын гишүүн О.Саранчулуун хэлэхдээ, Монголд хөгжлийн бэрхшээлтэй 10 хүн тутмын 6 нь олдмол бэрхшээлтэй байдаг. Тэргэнцэртэй хүн үйлчилгээний байгууллагад ороход налуу замын дутагдал, стандартгүй явган зам хүндрэл үүсгэдэг. “Гэрээсээ гарцгаая” аяны хүрээнд бид орчны хүртээмжийг сайжруулах шалгуур үзүүлэлтүүдийг туршиж, 32 шалгуур үзүүлэлт бүхий 13 бүлэг төлөвлөгөөг гарын авлагад тусган боловсруулсан.
Нийслэлийн Засаг даргын нэгдүгээр орлогч Т.Даваадалай “Хот бүх хүнд тэгш, хүртээмжтэй байх ёстой. Аяны хүрээнд ажигласан зарим дутагдлыг шийдвэрлэхэд үйлчилгээний байгууллагууд налуу замаа тохируулах, нийтийн тээврийн жолооч нарыг сургалтанд хамруулах зэрэг арга хэмжээ чухал байна” гэж онцлов.
Аяны төгсгөлд нийтийн тээврээр зорчих туршилтыг хийж, хөгжлийн бэрхшээлтэй иргэдийн санал хүсэлтийг хүлээн авлаа. Оролцогчид зам, үйлчилгээний хүртээмжийг сайжруулах, нийтийн тээвэрт зориулсан сургалт зохион байгуулах зэрэг бодит ажилд гар бие оролцохоо илэрхийлсэн байна.
Хөгжлийн бэрхшээлтэй иргэдийн орчны хүртээмжийг сайжруулах зорилготой “Гэрээсээ гарцгаая” аяныг хэрэгжүүлж буй.
Энэ хүрээнд өчигдөр УИХ-ын гишүүн О.Саранчулуун, нийслэлийн Засаг даргын нэгдүгээр орлогч Т.Даваадалай, холбогдох албаныхан болон хөгжлийн бэрхшээлтэй иргэдийн төлөөлөл хотын гудамж, үйлчилгээний байгууллага, нийтийн тээврийн үйлчилгээг туршиж, орчны нөхцөл байдалтай танилцжээ.
Аяны эхэнд оролцогчид 2.5 км замыг туулж, үйлчилгээний байгууллагуудын хүртээмжтэй байдлыг шалгав. Хөгжлийн бэрхшээлтэй иргэд, ялангуяа тэргэнцэртэй хүмүүс дэлгүүр, хоолны газар зэрэг газруудад орохдоо налуу зам дутагдалтай, хаалганы хөндлөвч төмөр болон бусад саад тотгоруудтай тулгардаг болохыг онцлов.
Үүний дараа төвийн гудамж, явган замын нөхцөл байдлыг шалгажээ. Хотын төвийн 15 байршилд нийт 59.6 км явган замыг байгалийн чулуугаар жигдэлж, нэг стандарттай болгох ажлыг хэрэгжүүлж байгаа нь бүх иргэнд ээлтэй орчныг бий болгох зорилготой гэж холбогдох албаныхан хэлэв.
Хуучин замын эвдрэл, доголтой хэсгүүд нь тэргэнцэртэй иргэд болон хүүхдийн тэрэгтэй хүмүүст хүндрэл учруулдаг. Харин шинэчлэгдсэн байгалийн чулуугаар хийсэн явган замууд илүү хүртээмжтэй, аюулгүй байгааг гэв.
УИХ-ын гишүүн О.Саранчулуун хэлэхдээ, Монголд хөгжлийн бэрхшээлтэй 10 хүн тутмын 6 нь олдмол бэрхшээлтэй байдаг. Тэргэнцэртэй хүн үйлчилгээний байгууллагад ороход налуу замын дутагдал, стандартгүй явган зам хүндрэл үүсгэдэг. “Гэрээсээ гарцгаая” аяны хүрээнд бид орчны хүртээмжийг сайжруулах шалгуур үзүүлэлтүүдийг туршиж, 32 шалгуур үзүүлэлт бүхий 13 бүлэг төлөвлөгөөг гарын авлагад тусган боловсруулсан.
Нийслэлийн Засаг даргын нэгдүгээр орлогч Т.Даваадалай “Хот бүх хүнд тэгш, хүртээмжтэй байх ёстой. Аяны хүрээнд ажигласан зарим дутагдлыг шийдвэрлэхэд үйлчилгээний байгууллагууд налуу замаа тохируулах, нийтийн тээврийн жолооч нарыг сургалтанд хамруулах зэрэг арга хэмжээ чухал байна” гэж онцлов.
Аяны төгсгөлд нийтийн тээврээр зорчих туршилтыг хийж, хөгжлийн бэрхшээлтэй иргэдийн санал хүсэлтийг хүлээн авлаа. Оролцогчид зам, үйлчилгээний хүртээмжийг сайжруулах, нийтийн тээвэрт зориулсан сургалт зохион байгуулах зэрэг бодит ажилд гар бие оролцохоо илэрхийлсэн байна.