Өнөөдрийн байдлаар (2025 08.12)-нд улаанбурхан өвчний нийт батлагдсан тохиолдол 13284 болжээ. Үүнээс:

• Эмнэлэгт хэвтэн эмчлүүлж байгаа - 47 хүн
• Хөнгөн - 10 хүн
• Дунд - 35  хүн
• Хүнд - 2  хүн тус тус байна.

Нийт нөхцөл байдлын хувьд эдгэрсэн  13203, гэрээр эмчлүүлж буй 24, нас барсан 10 болжээ. Харин хавьтал болсон нийт 96710  хүн байгаа аж. Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 5013 хүрсэн байна. Мөн 0-4 насны 2994, 5-9 насны 1712 хүүхэд улаанбурханаар өвджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Тус өвчнөөс урьдчилан сэргийлэх хамгийн үр дүнтэй арга бол хоёр тунт вакцин тул иргэдийг дархлаажуулалтад хамрагдахыг албаныхан уриалж байна.

Эх сурвалж: ХӨСҮТ