2026 оны төсөв батлагдсантай холбоотойгоор Шадар сайд Х.Ганхуяг мэдээлэл өглөө. 

Тэрбээр "Төсөв батлахдаа хүүхдийн мөнгө, төрийн албан хаагчдын цалин, эрүүл мэндийн салбарын гүйцэтгэлийн санхүүжилт болон даатгалын сангийн санхүүжилт, нийгмийн даатгал, аюул осол буюу онцгой байдлын салбарын санхүүжилтээс нэг ч төгрөг хасаагүй. 

Шинжлэх ухаанаас бусад байгууллагын төсвийн ерөнхийлөн захирагчдын санхүүжилтээс жигд 12.8 хувийг хассан. Энэ удаагийн төсөв төрийн бүтцийг цомхон болгож, бизнест ээлтэй болж байгаа. 

Зарим гишүүд улсын төсвийг 570 тэрбум, зардлыг 570 тэрбум төгрөгөөр шууд нэмэх санал хэлж байсан. Энэ бол зүгээр л мөнгө хэвлэ гэсэн үг. Ийм саналуудыг хүлээж аваагүй" гэлээ.