Хотын дарга Х.Нямбаатар өнөө өглөө машин дотроо шууд бичлэг хийж, дараах мэдээллийг өгөв.

-Авто зам шинэчлэлийн ажлыг өнөөдрөөс зогсоож, хуулийн байгууллагад шалгуулах эсэх талаар санал асуулга явуулна. Үндэсний аудитын газар, АТГ-аар бордюрын төсөв нийцэж буй эсэхийг, зам засах бүх процесс төрийн худалдан авах ажиллагаанд нийцсэнийг шалгуулна.

Нийслэлд нэг зэрэг 87 замын ажил эхэлсэн нь анхны тохиолдол. Сүүлийн жилүүдэд бороо их орж, бодис, давсны хэрэглээ их өссөн тул зам тэр хэрээр ихээхэн эвдэрч муудсан. Зарим зам асфальтгүй болсон. Өмнөх хотын дарга нар замаа засах гэхээр мөнгөгүй байсан юм билээ. Бид олон нийтэд нээлттэй тендер зарлаж, зарим тендер одоо ч үргэлжилж байна. Зарим ААН тендерийн шийдвэрийг эсэргүүцэж маргадаг. Замын зураг төсвүүдийг батлуулсан.

Тэд мэдээлэл муутай иргэдийг хуурдаг.

7 буудал, 6 буудал, Нүхт, Яармаг,Дарь эх, Дамбадаржаа, Шархад, Улаанхуран, Амгалан, Баянхошуу, Толгойт, Ханын материалын иргэд, хотын төвөөр зорчдог иргэд энэ санал асуулгад илүү идэвхтэй оролцоосой гэж хүсэж байна. Учир нь сүүлийн үед Женко Х.Баттулгын хамаарал бүхий 30 орчим хүн нийслэлийн ИТХ-д нэр дэвшлээ. Тэд хоёр үндсэн зүйлээр өнөөгийн удирдлагын багийг харлуулах ажлыг хийсээр байна.

Нэг нь бордюрын мафи, нөгөө нь Дунд голын бургасыг хядлаа гэх сэдэв. Тэд энэ төлөвлөгөөгөөр ажиллахаар самбар дээр зурсан байна гэх мэдээллийг би авсан. Дээр дурдсан 87 ажлаас 27 нь эхэлсэн. 60 зам нь эхлээгүй байна. Санал асуулга 12.00 цагаас нээгдэнэ. Хоёр сая хүнтэй их хотын ажил амьдралыг шийдэх гэж байгаа тул та бүхэн идэвхтэй оролцоорой.Тийм, үгүй гэсэн хоёр л хариулттай байна.
   
ҮАГ, АТГ авто замын шинэчлэлийн төсвийг шалгасны дараа зам засварыг ирэх хавар эхлүүлэх нь зөв. Уг нь зам зассанаар машины эвдрэл гэмтэл буурна, зорчих хөдөлгөөн илүү хурдан болно гэх мэт олон давуу талтай. Амартизатор хурдан эвдэрдэг шүү дээ. Бордюрын мафиас мөнгө босголоо гэх яриа хүртэл гарчээ. Бид энэ жилийн орон нутгийн сонгуульд мөнгөгүй оролцох сонирхолтой байна.  

Би нэг зүйл хэлэхгүй бол болохгүй байна. Женко, Зика нар сүүлийн арваад жилд бусдыг тархийг угаахдаа их сайн, гаршсан тэдний балаг дуусаагүй. 2008 онд тэд нийлж Ганцмод, Гашуунсухайтын төмөр замын хил холболтыг зогсоосноор бид 100 орчим тэрбум төгрөгийн бодит орлогоо алдсан. Бидний амьдрал өнөөгийнхөөс нэг дахин илүү байх байв. Гялгар уутанд элс хийж, энд тэндээс нь цоолоод, Монголын баялаг энэ мэг гоожиж, алга болно гэсэн шүү дээ. Үүний үр ашгийг хамгийн их хүртсэн нь тэдний хамааралт бүхий компаниуд юм. З.Энхболпын хамаарал бүхий "Хишиг арвин" компани ихээхэн хөлжсөн. Тэдний балгаар авто замын ослоор олон хүн амиа алдсан.

Х.Тэмүүжин гэж манай улсын шилдэг хуульчийг нялх амрагтай мэтээр харлуулсан, ажлаас нь халсан. УИХ-ын гишүүн асан М.Батчимэг гэж боловсролтой эмэгтэйг Тайванийн тагнуулч гэж харлуулж, энэ хүн өнөдөөр хорвоод байхгүй. Ш.Батхүү агсныг тангаргийн буг гэж муулсан гээд олон хүн бий. Тэдний бузрыг яривал барагдахгүй, дуусахгүй. Тэд мэдээлэл муутай иргэдийг хуурдаг. Дандаа худлаа ярина.

Гадаадын хөрөнгө оруулагчдад 100 жилээр газар олгох заалтыг З.Энхболд анх батлуулсан атлаа Ч.Хүрэлбаатар хийсэн мэтээр худлаа мэдээллийг тараасан. Тэд нийгэмд хий сэдэв гаргаж ирдэг. Дайрсаар байгаад энэ сэдэв өнгөрсөн. Одоо ч том баг ажиллуулж байгаа. Үүр шөнийн цагаар З.Энхболд бордюр эвдээд, зургийг нь аваад явжээ.   

Энэ хоёр хулгайчийн үг үйлдлийг шалгуулна. Энэ жилдээ хэдүүлээ хуучин, муу замтайгаа өвөлжье. Та бүхнээс тэвчээртэй байхыг хүсье. Юм хийлгэхгүй хүмүүс юм. Та бүхэн санал асуулгад идэвхтэй оролцоорой гэж хүсье. Энэ хүмүүс дахин ямар гүтгэлэг тараах бол гэж би айж байна. Би Сэлбэ, Баянхошууны айлуудыг нүүлгэж, орон сууцжуулах ажлыг эхлүүлсэн. 

Майдар хот боссон уу? Босоогүй. Сайншандын аж үйлдвэрийн парк босоогүй. Зүүн төмөр замд өөрийнхөө “Талх чихэр”-ийн талхыг 20 мянган төгрөгөөр шахсан.

Мөн тэд нийслэл эрчим хүчний дутагдалд ороход хүргэсэн. С.Баяр даргын үед Шивээ-Овоогийн нүүрсний уурхайг түшиглэн Хятадын хөрөнгө оруулалттай, 6000 мегаваттын томоохон цахилгаан станц байгуулах ажлыг ч зогсоосон. Хятадууд орж ирж цөмлөх нь гээд Багануурын төслийг ч зогсоосон.

Х.Баттулга төмөр замыг зогсоосон, өөрөө ямар ч тооцоо судалгаагүйгээр төсөл эхлүүлдэг. Тэднээс нэг нь ч дуусаагүй. Майдар хот боссон уу? Босоогүй. Сайншандын аж үйлдвэрийн парк босоогүй. Зүүн төмөр замд өөрийнхөө “Талх чихэр”-ийн талхыг 20 мянган төгрөгөөр шахсан. Энэ ажил өнөөдрийг хүртэл дуусаагүй байна.  Энэ хүмүүс гаднын тавиул туршуул маягаар Монголд ажилладаг гэдгийг би ХЗДХ-ийн сайдаар ажилласны хувьд хариуцлагатайгаар хэлнэ. Энэ хүмүүсийн хийдэг ажил зөвхөн хулгай. Хулгайгаа халхавчлахын тулд суганы үснүүдээ энд тэнд дэвшүүлж, УИХ-ын гишүүн болгодог.

Хулгайгаа хамгаалахын тулд хойч үеэ бэлддэг. Нийслэлийн ИТХ-д төрсөн эгч, дүүгийнхээ хүүхдийг, өөрийн компанийн захирлууд, жолоочоо, туслахаа нэр дэвшүүлжээ.

Өөрийн хэвлэлийн хар бараан юм хийдэг хүмүүсийг ч дэвшүүлсэн. Тэр хүмүүс сонгох, сонгогдох эрхтэй. Гэхдээ Женко одоо хотод ирж, үргэлжлүүлэн хулгай хийхээр бэлтгэж байна. Х.Баттулгын тухай би олон зүйл ярина. Би өнөөдөр ажил руугаа явах замд ярьж байна. Иймд баримт сэлт үзүүлж чадсангүй. 

Майдар хот руугаа Эрдэнэтээс хулгайлсан мөнгөөр авто зам татуулсан. Энэ хэргийг АТГ шалгасан ч намжсан. АТГ-ын даргаа энэ хэрэг юу болсон бэ? Хүн бүр шүүхийн өмнө ижил баймаар байна. Өөрийн хувийн эдлэн рүү буюу 13-р зуун руу ЗХЖШ-ын дарга н.Ганзоригтой хамтарч, тус штабын ангиудаар, үнэ төлбөргүйгээр зам тавиулсан. Би наад захын хулгайг нь хэлж байна. Энэ хүнд ороогүй, дүрээгүй, хулгайлаагүй салбар гэж үгүй. Манай алдарт лайвчин Мөнх-Эрдэнэ мянганы суут хулгайч гэж эрхэм хүндтэй “цол” өгсөн.

Х.Тэмүүжин нэг удаа ярьсан. “Энэ хүн өөрөө хөдөлмөрлөж олсон мөнгөөр хэзээ ч ийм хэвлэлийн багийг санхүүжүүлэхгүй. Хулгай хийсэн мөнгөнийхөө хэсэгхнийг олон нийтийн тархи, сэтгэл зүйг эргүүлэх гэж ашигладаг. Өөрийнх нь сэтгүүлчид хэдэн тэрбум төгрөгийн амины байшинд  амьдардаг” гэсэн.                    

Намайг бордюрын мафийн эзэн болгох гэж байгаа бол хэдүүлээ хамтдаа үүнийг зогсооё. Шархад-Эрдэнэтолгойн, Сэлхийн зам, урд талын Худгийн гудамж, Бага тойруугийн зам, баруун талаас гэвэл Үйлдвэрчний эвлэлийн зам их хуучирсан.   

Замыг нөхдүүдийн ярьж байгаа шиг  зүгээр тавьдаггүй юм. Айлуудтай уулзана, ярилцана гэв.

Энэ хүрээнд нийслэлийн Засаг даргын Тамгын газрын албан ёсны www.ulaanbaatar.mn сайтаар санал асуулга авч байна. Иргэд та бүхэн тус линкээр санал асуулгад оролцох боломжтой.

Би хулгайгаа халхавчлах зорилгоор ажил хийдэггүй. Х.Баттулга Хөгжлийн банкнаас зээл авч, “Шинэ Яармаг” хороолол барьж, шүүхийнхэнтэй ярьж байгаад өрөндөө баахан балгас ХБ-д өгөөд хаалгачихсан. Өөрийнх нь туслах байсан Ууганбаяр энэ төслийг удирдаж, 534 айлын хотхоныг дуусгаагүй атлаа хүлээлгээд өгчихсөн. Ингэж уснаас хуурай гардаг. Өөрийнхөө гурилын, махны үйлдвэртээ авсан зээлүүд нь төлөгдөөгүй.

З.Энхболд Хөгжлийн банкнаас, ЖДҮСангаас худынхаа нэр дээр Францаас авчирсан ямааны фирм байгуулна гээд зээл авсан. Бүх ямаа нь үхээд дууссан, дөрвөн тэрбум төгрөгийг зээлээ төлөөгүй. Энэ мэтээр яривал дуусахгүй. “Суруга Монгол” компанийн япон захирлыг дээрэмдэхэд З.Энхболд идэвхтэй ажилласан. Өөрийнхөө дүүгийн Хээгийгийн нэр дээр Хүннү хороололд хэд хэдэн байр авч өгсөн. Одоо энэ хүн Бага тэнгэрт амьдардаг, монголын нийгэмд  токсик байдал үүсгэдэг хөгийн хулгайч. Өвөөгийнхөө ажлыг л хийгээд гэртээ байх хэрэгтэй.

Х.Баттулгын хүү хар тамхи татаж, хажууд нь байсан хүү 16 давхраас унаж амиа алдсан. Эд нар дандаа ийм хар бараан мөртэй. Та хоёр Ерөнхийлөгч, сайд, УИХ-ын дарга байхдаа ажил хийхгүй яасан юм бэ? Хийж чадаагүй бол олон юм хуцалгүй, гэр гэртээ суу. Энэ хөгийн новшнуудтай хамт тэмцье. Уг нь энэ жил магистраль бүх замаа хучиж дуусгахаар төлөвлөсөн. Гэвч ирэх жил хийе.