4b:"/_next/static/chunks/1dm14wkjvkf5_.js" 4c:"/_next/static/chunks/0zdyqq4axzkoe.js" 4d:"/_next/static/chunks/435phlmj27i65.js" 4e:I[59690,["$4","$5","$6","$7","$8","$9","$a","$b","$4b","$4c","$4d"],"default"] 50:I[27201,["$4","$5","$6","$7","$8","$9","$a","$b"],"IconMark"] 4f:T23f9cc,

Засгийн газар Зөвшөөрлийн тухай хуульд нэмэлт, өөрчлөлт оруулж, спортын бооцоот тааврыг зөвшөөрөхийн зэрэгцээ бусад бүх төрлийн бооцоот таавар, цахим мөрийтэй тоглоомыг бүрэн хориглох хуулийн төслийг УИХ-д нэн яаралтай горимоор өргөн мэдүүлэхээр шийдвэрлэсэн.

Үүний дараа Засгийн газрын Хэрэг эрхлэх газрын дарга Н.Учрал өөрийн цахим хуудастаа “Спортын багийн өмсгөл, зураг, рекламд 1xBet, Melbet болон бусад цахим мөрийтэй тоглоомыг сурталчилсан тохиолдолд эрүүгийн хариуцлага хүлээнэ” хэмээн мэдэгдэв.

Саяхан Монгол Улсын үндэсний шигшээ багийн бүрэлдэхүүнд нэгдсэн “The MongolZ” багийн хамгийн том ивээн тэтгэгч нь 1xBet. Тиймдээ ч тэд олон улсын томоохон тэмцээнүүдэд оролцохдоо 1xBet-ийн логотой өмсгөл өмсдөг.

“The MongolZ” баг сүүлийн жилүүдэд “Counter Strike 2” электрон спортын төрөлд өндөр амжилт үзүүлж, дэлхийн чансааны гуравдугаарт эрэмбэлэгдсэн. Тэд улсынхаа нэрийг дэлхийн тавцанд гаргаж, цахим спортын хөгжлийг Монголд түүчээлж буй баг.

Тэгвэл хуулийн төслийг баталж хэрэгжүүлсний дараа Монгол Улсын шигшээ багийн тамирчид өөрсдийн ивээн тэтгэгчийн логотой өмсгөл өмссөнөөр эрүүгийн хариуцлага хүлээх үү?
Зургийн эх сурвалж: HLTV Н.Учрал гишүүнийхээр бол энэ багийг ивээн тэтгэх олон байгууллага Монголд төдийгүй дэлхийд бий. Гэхдээ хэдхэн жилийн өмнө тэд хаана байсан бэ? Одоо цаг үе өөрчлөгдсөн байж болох ч тогтвортой санхүүжилт нь багагүй хөрөнгө шаардана.

Бид энэ талаар тус багтай холбогдон тодруулах гэсэн боловч одоогоор ямар нэг хариу өгөх боломжгүй байна гэсэн юм.

Багийн амжилт өсөхийн хэрээр үзэгч, дэмжигчдийн тоо ч нэмэгдэж байна. Бид сагсан бөмбөг, хөл бөмбөгийн тэмцээнийг шууд дамжуулан үздэг шиг цахим спортыг ч олон хүн сонирхон үздэг болсон.

Гадаадын шууд дамжуулалтуудад ч 1xBet-ийн сурталчилгаа байдаг бөгөөд Монголд тэдгээрийг дамжуулах тохиолдолд тэр логотой нь цацагдана. Тэгвэл ийм шууд дамжуулалт хийсэн хүмүүст ч хариуцлага тооцох уу? Гэтэл дэмжигч, үзэгч олонд дэмждэг багийнхаа тоглолтыг монгол тайлбартайгаар үзэх боломжийг тэд л хангаж байгаа шүү дээ.

"Цахим мөрийтэй тоглоомыг бүрэн хориглох хуулийн төсөлд Засгийн газрын хуралдаанд сайд нарын илэрхийлсэн байр суурь, иргэд, эдийн засагч, хуульч, судлаач, мэргэжлийн холбоодын саналыг тусган ажиллаж байна" гэж Н.Учрал гишүүн мэдээлсэн. Тэгвэл дээрх зохицуулалтуудыг ч бас бодолцож байгаа байх гэж найдъя.

Манай улсын хувьд цахим мөрийтэй тоглоомтой тэмцэх нь үнэхээр чухал бөгөөд энэ талаар арга хэмжээнүүд авч байгаа нь ч зөв. Гэхдээ Засгийн газар "The MongolZ" багт болон цахим спортын цаашдын хөгжилд иж бүрэн дэмжлэг үзүүлэх боломж бүрдлээ гэчихээд шууд дамжуулалт хийж, баг бүрэлдэхүүнээ дэмжих, хөгжүүлэх гэсэн хүмүүсийг хохироох хэрэг үү?

Цахим спорт дээр ийм байж. Тэгвэл спортын сувгууд Италийн дээд лигийн хөл бөмбөгийн тэмцээнүүдийг гаргаснаараа мөн эрүүгийн хариуцлага хүлээх үү? Италийн "Сери А" лиг 1xBet-тэй албан ёсны түншүүд болсон. Лигийн албан ёсны сайт руу ороход л бетийн сурталчилгаа гарч ирдэг.

Барселона клуб. 2024 оны зургаадугаар сарын 30-ны өдрөөс эхлэн таван улирлын турш ивээн тэтгэгчээр нь ажиллах гэрээ байгуулж, албан ёсны түнш нь болж буйг зарласан. Гэрээний хүрээнд талууд тоглогчдыг сурталчилгааны материал, маркетингийн кампанит ажилд оролцуулах зэргээр олон төрлийн арга хэмжээнд хамтран ажиллана гэж тусгажээ.

Шинэ мэдээ

“The MongolZ” ивээн тэтгэгчийнхээ логотой хувцсыг өмссөнөөр эрүүгийн хариуцлага хүлээх үү

Шинэ мэдээ

Энэ мэдээ танд ямар мэдрэмж төрүүлж байна?

Сэтгэгдэл