Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
456
Ирэх сарын 3-5-ныг дуустал амрах тогтоолыг Засгийн газар гаргав. Энэхүү гэнэтийн зохицуулалт хувийн байгууллагуудад ихээхэн ажил чирэгдэл учруулж, төвөгтэй байдал үүсгэв.
“Ажил, амралтын цагийн зохицуулалтын тухай” тогтоолд ирэх долоо хоногийн даваагаас лхагва гаргийг дуустал амарна гэж заасан. Гэхдээ энэ нь бүх нийтээр амрах амралтын өдрүүд биш.
Иймд хэрэв та Цагаан сарын амралтын өдөр ажиллавал таны цалинг ажил олгогч тал 1.5 дахин үржүүлж олгоно. Учир нь Цагаан сарын амралтын өдрүүд нь энгийн амралт буюу бямба, ням гарагт ажилладагтай адилд тооцогдоно. Харин бүх нийтийн амралтын өдөр ажиллавал таны цалинг хоёр дахин нэмж олгодог.
Хөдөлмөрийн тухай хуулийн 109.2. Долоо хоногийн амралтын өдөр ажилласан ажилтныг нөхөн амруулаагүй бол түүний дундаж цалин хөлсийг нэг аравны тав дахин, түүнээс дээш хэмжээгээр нэмэгдүүлж олгоно.
Гурван өдөр амрахаар таны цалингаас гурван өдрийн ажлын цалин хасагдах уу?
Хөдөлмөрийн тухай хуулийн 84 дүгээр зүйлийн 1 дэх хэсэгт заасны дагуу долоо хоногийн ердийн ажлын цаг 40-өөс илүүгүй байхаар тусгасан. Засгийн газраас өчигдөр (2025.02.26) зохицуулалтыг хийхээс өмнө гуравдугаар сар 21 ажлын өдөртэй, фонд цаг 168 цаг байх байсан бол 24 цагаар буурч, 144 цагийн фонд цагтай болно.
Тэгэхээр та жирийн үед авдаг цалингаасаа гурван өдрийн цалингаа хасаж, гуравдугаар сарын цалингаа тооцвол буруу болно. Ингэснээр таны нэг цагт ногдох дундаж цалин хөлс 14.3 хувиар өсөх юм.
МОНГОЛ УЛСЫН ЗАСГИЙН ГАЗРЫН ТОГТООЛ
2025 оны 02 сарын 26 өдөр
Дугаар 109
Улаанбаатар хот
АЖИЛ, АМРАЛТЫН ЦАГИЙН ЗОХИЦУУЛАЛТЫН ТУХАЙ
Монгол Улсын Засгийн газрын тухай хуулийн 9 дүгээр зүйлийн 2 дахь хэсэг, 30 дугаар зүйлийн 1 дэх хэсэг, Хөдөлмөрийн тухай хуулийн 43.3 дахь хэсэгт заасныг тус тус үндэслэн Монгол Улсын Засгийн газраас ТОГТООХ нь:
1.Монгол үндэстний уламжлалт баяр Цагаан сар: билгийн тооллын хаврын тэргүүн сарын шинийн 1 тасарч, шинийн 2, 3-ны өдөр Бямба, Ням гарагт тохиож байгаатай холбогдуулан 2025 оны 03 дугаар сарын 03, 04, 05-ны өдрийн Даваа, Мягмар, Лхагва гарагт ажилтан, албан хаагчдыг амрааж, 2025 оны ажлын жилд багтаан нөхөж ажиллуулах зохицуулалт хийхийг Засгийн газрын гишүүд, бүх шатны Засаг дарга, төрийн болон орон нутгийн өмчит хуулийн этгээдийн удирдлагад даалгасугай.
2.Ажилтны ажил, амралтын цагийг энэ тогтоолын 1-д заасны дагуу зохицуулах арга хэмжээ авахыг Засгийн газрын бус төрийн бусад байгууллага болон аж ахуйн нэгж, байгууллагын удирдлагуудад зөвлөсүгэй.
МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ
ГЭР БҮЛ, ХӨДӨЛМӨР, НИЙГМИЙН ХАМГААЛЛЫН САЙД Л.ЭНХ-АМГАЛАН
Ирэх сарын 3-5-ныг дуустал амрах тогтоолыг Засгийн газар гаргав. Энэхүү гэнэтийн зохицуулалт хувийн байгууллагуудад ихээхэн ажил чирэгдэл учруулж, төвөгтэй байдал үүсгэв.
“Ажил, амралтын цагийн зохицуулалтын тухай” тогтоолд ирэх долоо хоногийн даваагаас лхагва гаргийг дуустал амарна гэж заасан. Гэхдээ энэ нь бүх нийтээр амрах амралтын өдрүүд биш.
Иймд хэрэв та Цагаан сарын амралтын өдөр ажиллавал таны цалинг ажил олгогч тал 1.5 дахин үржүүлж олгоно. Учир нь Цагаан сарын амралтын өдрүүд нь энгийн амралт буюу бямба, ням гарагт ажилладагтай адилд тооцогдоно. Харин бүх нийтийн амралтын өдөр ажиллавал таны цалинг хоёр дахин нэмж олгодог.
Хөдөлмөрийн тухай хуулийн 109.2. Долоо хоногийн амралтын өдөр ажилласан ажилтныг нөхөн амруулаагүй бол түүний дундаж цалин хөлсийг нэг аравны тав дахин, түүнээс дээш хэмжээгээр нэмэгдүүлж олгоно.
Гурван өдөр амрахаар таны цалингаас гурван өдрийн ажлын цалин хасагдах уу?
Хөдөлмөрийн тухай хуулийн 84 дүгээр зүйлийн 1 дэх хэсэгт заасны дагуу долоо хоногийн ердийн ажлын цаг 40-өөс илүүгүй байхаар тусгасан. Засгийн газраас өчигдөр (2025.02.26) зохицуулалтыг хийхээс өмнө гуравдугаар сар 21 ажлын өдөртэй, фонд цаг 168 цаг байх байсан бол 24 цагаар буурч, 144 цагийн фонд цагтай болно.
Тэгэхээр та жирийн үед авдаг цалингаасаа гурван өдрийн цалингаа хасаж, гуравдугаар сарын цалингаа тооцвол буруу болно. Ингэснээр таны нэг цагт ногдох дундаж цалин хөлс 14.3 хувиар өсөх юм.
МОНГОЛ УЛСЫН ЗАСГИЙН ГАЗРЫН ТОГТООЛ
2025 оны 02 сарын 26 өдөр
Дугаар 109
Улаанбаатар хот
АЖИЛ, АМРАЛТЫН ЦАГИЙН ЗОХИЦУУЛАЛТЫН ТУХАЙ
Монгол Улсын Засгийн газрын тухай хуулийн 9 дүгээр зүйлийн 2 дахь хэсэг, 30 дугаар зүйлийн 1 дэх хэсэг, Хөдөлмөрийн тухай хуулийн 43.3 дахь хэсэгт заасныг тус тус үндэслэн Монгол Улсын Засгийн газраас ТОГТООХ нь:
1.Монгол үндэстний уламжлалт баяр Цагаан сар: билгийн тооллын хаврын тэргүүн сарын шинийн 1 тасарч, шинийн 2, 3-ны өдөр Бямба, Ням гарагт тохиож байгаатай холбогдуулан 2025 оны 03 дугаар сарын 03, 04, 05-ны өдрийн Даваа, Мягмар, Лхагва гарагт ажилтан, албан хаагчдыг амрааж, 2025 оны ажлын жилд багтаан нөхөж ажиллуулах зохицуулалт хийхийг Засгийн газрын гишүүд, бүх шатны Засаг дарга, төрийн болон орон нутгийн өмчит хуулийн этгээдийн удирдлагад даалгасугай.
2.Ажилтны ажил, амралтын цагийг энэ тогтоолын 1-д заасны дагуу зохицуулах арга хэмжээ авахыг Засгийн газрын бус төрийн бусад байгууллага болон аж ахуйн нэгж, байгууллагын удирдлагуудад зөвлөсүгэй.
МОНГОЛ УЛСЫН ЕРӨНХИЙ САЙД Л.ОЮУН-ЭРДЭНЭ
ГЭР БҮЛ, ХӨДӨЛМӨР, НИЙГМИЙН ХАМГААЛЛЫН САЙД Л.ЭНХ-АМГАЛАН