Энэтхэгийн JSW Steel болон төрийн мэдлийн SAIL компаниуд Монголын эрх баригчидтай коксжих нүүрсний тээвэрлэлт хийхээр ярилцаж байна хэмээн Ройтерс агентлаг мэдээлжээ.

Нэрээ нуусан эх сурвалжийн мэдээллээр хүчин чадлаараа Энэтхэгийн хамгийн том ган үйлдвэрлэгч JSW Steel 2.5 сая, SAIL 75 сая тонн коксжих нүүрсийг тус тус Монголоос импортлохоор зорьж байгаа гэв.

Нүүрсний тээвэрлэлтийг ОХУ эсвэл БНХАУ-аар дамжуулах төлөвлөгөөтэй байгаа аж.

Ройтерс агентлаг SAIL компанийн захирлаас энэ асуудлаар тодруулахад “Ложистикийн асуудлыг хэрхэн зохицуулахаа шийдэх шаардлагатай” гэсэн байна.

Мөн тус компани ханган нийлүүлэгчдээ төрөлжүүлэхийн тулд Монголоос коксжих нүүрс тээвэрлэх талаар өмнө нь судалж байсан гэсэн мэдээлэл өгчээ.

Дэлхийд түүхий гангийн үйлдвэрлэлээр хоёрт ордог Энэтхэг улс нь коксжих нүүрсний хэрэгцээний 85 хувийг импортоор авдаг.

Монголоос коксжих нүүрс импортлох нь Автсралийн нүүрснээс 1 тонн тутамд 50 ам.доллароор хямд байгаа гэв. 

Эх сурвалж: Reuters