#CS2 Ийнхүү тэд А хэсгийн хагас шигшээд "FaZe Clan"-тай тоглохоор болов.

Жилд таван удаа болдог "ESL Grand Slam" цувралын оны хоёр дахь тэмцээн "Intel Extreme Masters Melbourne 2025" дөрөвдүгээр сарын 21-27-ны хооронд Австралийн Мельбурн хотод болно.

$1,000,000 (3.5 тэрбум төгрөг) шагналын сантай тэмцээнд дэлхийн шилдэг 16 баг оролцохын нэг нь Монголын "The MongolZ" юм.

Valve-ын хоёрдугаар сарын 25-ны чансаагаар шууд уригдсан The MongolZ тэмцээний А хэсэгт багтсан бөгөөд эхний тоглолтоо Хойд Америкийн "Complexity" багтай хийж 2-1 (Anubis 11-13, Ancient 16-13, Inferno 13-10) харьцаагаар хожлоо.

• 2025 оны эхний major-т оролцох 32 /Хоёр Монгол/ багтай танилц
• erkaSt Г.Эрдэнэцогтын удирдсан баг BLAST.tv Austin Major-т оролцоно
• BLAST.tv Austin Major-т оролцох эрхийн төлөөх сонгон шалгаруулалт маргааш эхэлнэ

Хоёр баг өмнө таван удаа таарч тоглоход монгол залуус хожигдож үзээгүй. Хамгийн сүүлд "PGL Cluj-Napoca 2025" тэмцээнд 2-0 харьцаагаар хожсон. Баянбатын "maaRaa Эрдэнэдалайгийн удирдсан баг тус тэмцээнийг 9-11-р байрт орж дуусгасан бол Complexity 4-р байрт шалгарсан билээ.

Ийнхүү The MongolZ А хэсгийн хагас шигшээд "FaZe Clan"-тай шигшээ шатны эрхийн төлөө тоглохоор болов.

Энэ удаагийн тэмцээнд дэлхийн чансаанд дээгүүр байр эзэлж буй "G2", "Spirit", "Aurora" багууд оролцохгүй.

2025 оны "ESL Grand Slam" цувралын эхний тэмцээн "Intel Extreme Masters Katowice 2025"-д түрүүлсэн "Team Vitality" түүнээс хойш хоёр том тэмцээнд түрүүлсэн ба дөрөв дараалан цом өргөх эсэх нь сонирхол татаж байна.

Тэмцээний журмын тухайд багууд хоёр хэсэгт хуваагдан "double-elimination format" буюу нэг удаа хожигдох эрхтэйгээр тоглох бөгөөд хэсэг тус бүрээс гурван баг шигшээ шатанд шалгарна. Финалын тоглолт Bo5 журмаар болох ба бусад бүх тоглолт Bo3 журмаар явна.