2005 оны есдүгээр сарын 30. Одоогоос 15 жилийн өмнөх энэ өдөр мэдээллийн технологийн салбарт нэгэн шинэ компани мэндэлсэн нь "Монгол Контент" ХХК байв.

Харин бид өнөөдөр хэвлэл мэдээлэл, зар сурталчилгаа, мэдээллийн технологи, дүрийн бизнес, дуу хөгжмийн салбарт хэрэглэгчдийн хүсэл сонирхол, эрэлт хэрэгцээнд тулгуурлан олон төрлийн шинэ бүтээгдэхүүн үйлчилгээнүүдийг байнга нэвтрүүлэн ажиллаж байна.

Өнөөдөр бидний төрсөн өдөр. 15 жилийн өмнө гар утсанд зориулсан нэмэлт үйлчилгээгээр үйл ажиллагаагаа эхэлсэн бид өнөөдөр олон амжилтыг түүчээлж байна.

“Монгол Контент” ХХК-ийн гүйцэтгэх захирал Ц.Ганзориг “Бид 15 жилийн хугацаанд олон зүйлийг хийсэн. Эдгээрээс гурвыг нь онцлох нь зүйтэй. Нэгдүгээрт, бид глобал түвшний бизнес эрхэлж байна. Сүүлийн таван жилийн хугацаанд Мьянмар улсад мэдээллийн технологийн чиглэлээр аутсорсингийн үйлчилгээ үзүүлж, БНХАУ-ын зах зээлд хөгжмийн стриминг үйлчилгээг хоёр улсын гэрээгээр оюуны өмчийн эрхтэйгээр явуулж байгаа нь үүнийг баталж байгаа юм. Хоёрдугаарт, бид дижитал медиа салбарт тэргүүлэгч байр сууриа хадгалсаар байна. GoGo.mn, Yolo.mn, maamuu.mn гэсэн залуучууд, хүүхэд, эцэг эхчүүд, нийтэд хандсан гурван төрлийн вэбийг эрхлэн гаргаж, хандалтаараа сегмент бүртээ тэргүүлж байна. Бид үндэсний контент Маамууг сүүлийн таван жилийн хугацаанд амжилттай үргэлжлүүлж, өөрсдийн контентыг хөгжүүлэхээс гадна олон улсын байгууллагуудтай хамтран нийгэмд тулгарч буй асуудлыг шийдвэрлэхэд дэм үзүүлэх контентуудыг гаргасаар байна” гэлээ.

Бид Мьянмарын зах зээлд 25 сая хэрэглэгчтэй MPT оператор компанитай хамтран цахим мөнгөний аппликэйшн, вэбийг хөгжүүлж нэвтрүүллээ.

Таван жилийн өмнөөс 53 сая хүн амтай Мьянмар улсын MPT  компанитай хамтын ажиллагаагаа эхэлж, олон хөгжүүлэлт гүйцэтгэсний нэг нь энэ. Хагас жил гаруйн хугацаанд тус үйлчилгээ 1 сая гаруй хэрэглэгчтэй болоод байгаа төдийгүй ирэх онд 10 сая хэрэглэгчийг татах зорилт тавин ажиллаж байна. 

Бид Candy pay, Smart UB, Голомт судалгааны платформ зэрэг дотоодын олон аппликэйшн, вэбүүдийг хөгжүүлэхээс гадна олон улсын байгууллагуудын төсөлд ч шалгаран ажиллаж байна. Тухайлбал, НҮБ-аас зохион байгуулсан агаарын бохирдлыг бууруулахтай холбоотой олон улсын чуулганы вэбийг бүтээсэн.

Оюуны өмчийг дээдэлдэг манай компани Монголынхоо хамтлаг, дуучдын уран бүтээлийг гадаад зах зээлд хүргэх зорилгоор өнгөрсөн хугацаанд тууштай ажиллалаа. Үүний үр дүнд БНХАУ-ын Өвөр Монголын зах зээлд НЭГ САЯ хэрэглэгчийн татан авалттай хөгжмийн стриминг үйлчилгээнд Монголын хамтлаг дуучдын уран бүтээлийг албан ёсны зохиогчийн эрхтэйгээр нийлүүлж байна.

Дижитал медиа салбарт тэргүүлэгчдийн нэг манай компани цахим хэвлэл мэдээллийн салбарт өөрийн гэсэн өнгө төрх бүхий, нас насны онцлогт тохирсон контентуудыг бэлтгэн хүргэж байна. Бид нийгмийн сүлжээнд нийт 1.2 сая дагагчтай болж, хэрэгтэй, чухал, сонирхолтой мэдээ, мэдээллийг шинэ тутамд баяжуулан хүргэж байна.

Үндэсний портал GoGo.mn хэмээн анхлан цахим хэвлэл мэдээллийг түүчээлсэн бид өнөөдөр өдөрт 500-750 мянган хэрэглэгчийн хандалтыг авч, мэргэжлийн, ёс зүйтэй, баталгаатай мэдээллийг уншигчдадаа цаг алдалгүй хүргэсээр байна. Үндэсний судалгааны байгууллага болох “Эм Эм Си Жи” ХХК-ийн гаргасан судалгаагаар сүүлийн зургаан жилийн турш хамгийн өндөр хандалттай сайтаар, Авлигатай тэмцэх газраас гаргасан судалгаанд итгэж болох хэвлэл мэдээллээр тодорсон билээ. 

Бид өсвөр үеийнхэн, залууст тулгамдаж буй асуудал болон тэдэнд зориулсан эрч хүчтэй, мэдээлэл дүүрэн контентыг хүргэдэг Yolo.mn сайтыг 2016 онд нээсэн. Олон төрлийн сонирхолтой контент бүтээхээс гадна тэднийг үргэлж цэнэглэж байдаг Yolo.mn сайтын цуврал контентуудын үзэлт дунджаар 1.5 сая хүрээд байна. “Эм Эм Си Жи” ХХК-иас гаргасан судалгаагаар Yolo.mn сайт Z үеийнхний дунд хандалтаараа тэргүүлж байна. 

2017 онд 0-5 настай хүүхдүүдэд тулгарч буй асуудлуудыг мэргэжилтнүүдийн зөвлөгөөтэй хүргэдэг maamuu.mn сайтыг нээв. Бид өнгөрсөн хугацаанд бэлтгэж хүргэсэн контентууд олон хүнд хүрч бид Монголын TOP10 YouTube сувгийн нэг болоод байна.

Үндэсний контент тэр дундаа хүүхдэд зориулсан бүтээл ховор энэ цаг үед Монгол хүүхдийн оюуныг тэлэх, ухааныг нэмэх зорилгоор бид Маамуу төслийг 2017 онд эхлүүлсэн. Хүүхдэд зориулсан анимэйшн хүүхэлдэйн кино, нэвтрүүлгийг тасралтгүй хийж, өнөөдөр 16 цуврал анимэйшн, 170 нэвтрүүлгийг бүтээж, МҮОНРТ-тэй хамтран үзэгч багачууддаа хүргэж байна.

Үндэсний контентийг хөгжүүлэхэд оруулж буй хувь нэмрийг Засгийн газраас үнэлж, 2020 онд Хүүхдэд зориулсан үндэсний шилдэг контентоор шалгарсан. Мөн Герман улсад жил бүр зохион байгуулдаг SCHLINGEL олон улсын хүүхдийн кино наадам, Францын TONNEINS кино наадмуудад сонгогдсон бүтээл болж байв.

Бид анимэйшнээ шинэ түвшинд гаргахаар тасралтгүй ажиллаж тун удахгүй 3D хүүхэлдэйн киног үзэгч багачууддаа хүргэхээр ажиллаж байна.

Бид маркетинг аутсорсинг, креатив контент хөгжүүлэлтийн чиглэлээр 2017 оноос хойш үйл ажиллагаа явуулж, олон улсын байгууллагуудтай хамтран ажиллаж байна. Бид харилцагч байгууллагуудын хэрэгцээ шаардлагад нийцсэн контент үйлдвэрлэх, хөгжүүлэх, контентыг зорилтот сувгуудаар түгээх, зах зээлийн судалгаа шинжилгээг мэргэжлийн түвшинд хийж гүйцэтгэх бүтээлч бөгөөд цогц маркетингийн аутсорсингийн үйлчилгээг үзүүлж байна.

Тухайлбал, Toyota Mongolia, Huawei Mobile Mongolia, Дэлхийн зөн олон улсын байгууллага, ЖАЙКА, Германы хамтын ажиллагааны нийгэмлэг, Швейцарийн хөгжлийн агентлагтай хамтран ажиллаж байна.

Хамгийн сүүлд бид НҮБ-ын Хүүхдийн Сан, НҮБ-ын Хүн Амын Сан, ЮНЕСКО санаачлан хэрэгжүүлж буй ЕБС, СӨБ-ын ТВ хичээлийн агуулгыг сурагчдад илүү сонирхолтой, хүүхдийн оролцоог дэмжсэн буюу интерактив байдлаар хүргэх 104 жишиг контент боловсруулах ажлыг эхлээд байна.

Өнөөдөр бидний төрсөн өдөр. 15 жилийн турш бидэнд итгэж, хамтран ажилласан харилцагч нартаа, хамт ажиллаж байсан бүх ажилтнууддаа талархал илэрхийлж байна. Бид цаашид улам ихийг бүтээн хамтдаа хөгжиж, шинэ тутамд шилдэг контент, бүтээлүүдийг хүргэсээр байх болно.