Халдвар авсан иргэд хавьтал болсон хүмүүсээ санахгүй байх тохиолдол их байна. Автобус-1 баазын жолоочоос өчигдөр коронавирус илэрсэн. Энэ хүнийг бид хавьтлаар тогтоон 11-р сарын 30-наас эхлэн хоёрдогч хавьтлаар тусгаарлаад байсан.

Автобусны жолоочийн ойрын хавьтал 10 гаруй хүнийг тусгаарласан. Тус бааз 500 гаруй ажилтантай. Хамт ажилладаг хүмүүст шинжилгээ хийж байна. Одоогоор Автобус-1 баазаас нэмж коронавирусийн халдвар илэрсэн хүн байхгүй гэж ХӨСҮТ-ийн Тандалт, судалгааны албаны дарга А.Амбасэлмаа мэдээллээ.