Цаг үеийн нөхцөл байдлыг үнэлээд Засгийн газар шийдвэрээр УБ хотын хэмжээнд Бүх нийтийн бэлэн байдлын зэргийг хэсэгчилсэн байдлаар шилжүүлэхээр шийдвэрлэлээ. 12-р сарын 23-ны 06.00 цагаас 2021 оны 1-р сарын 6-ны 06.00 цаг хүртэл Бүх нийтийн бэлэн байдлын зэрэгт хэсэгчилсэн байдлаар шилжүүллээ. Энэ хугацаанд дараах 15 салбарын үйл ажиллагаа хэвийн явна гэдгийг УОК-ын дарга, Шадар сайд Я.Содбаатар мэдээллээ. 

1. Эрчим хүч дулаан, сайжруулсан шахмал түлшээр хангах үйл ажиллагаа
2. Хүнсний үйлдвэрлэл, худалдаа, тээвэрлэлт, түгээлтийн үйл ажиллагаа 
3. Газрын тосны бүтээгдэхүүн түлшний хангамж, түгээлт, тээвэрлэлтийн үйл ажиллагаа 
4. Малын өвс, тэжээлийн түгээлт, тээвэрлэлтийн үйл ажиллагаа
5. Улсын онц чухал болон стратегийн чухал объект, байгууллагын үйл ажиллагаа, тэдгээрийн хүч хэрэгслийн хангамж, тээвэрлэлт
6. Нийтийн тээвэр, зөвшөөрөлтэй такси үйлчилгээ 
7. Хот, суурины ус хангамж, ариутгах татуургын ашиглалтын үйл ажиллагаа
8. Эрүүл мэндийн байгууллага, эм эмнэлгийн хэрэгсэл ханган нийлүүлэх үйл ажиллагаа,  
9. Банкны үйл ажиллагаа
10. Хэвлэл мэдээлэл,харилцаа холбоо, шуудангийн үйл ажиллагаа
11. Тусгайлсан чиглэл бүхий байгууллагын үйл ажиллагаа  
12. Хууль тогтоох байгууллага, шүүх, прокурор өмгөөлөл, нотариатын үйл ажиллагаа 
13. Төрийн захиргааны байгууллагын үйл ажиллагаа /ажилчдын 10-15 хувийг оффисоос ажиллуулах зохицуулалттай/
14. Хүүхэд хамгааллын үйлчилгээ, асрах байрууд,
15. Буяны болон оршуулгын үйл ажиллагааны чиглэлээр ажилладаг байгууллагууд багтаж байна.