Хиймэл оюун ухаант чатбот болох “ChatGPT”-г хөгжүүлсэн Сэм Олтмэн тэрбумтнуудын эгнээнд нэгдсэнийг Форбесоос зарлалаа.

OpenAI компанийн гүйцэтгэх захирал тэрбээр тэрбумтнуудын жагсаалтын 2692 дугаарт бичигдэж байна.

Сэм Олтмэн 80 тэрбум ам.доллароор үнэлэгдэх OpenAI компанийнхаа нэг ч хувьцааг эзэмшдэггүй нь олны анхаарлыг татдаг.

Тэрбээр ихэнх хөрөнгөө Reddit, Stripe зэрэг гарааны бизнест хөрөнгө оруулж босгосон гэнэ.

Түүний талаар LinkedIn-ын удирдах зөвлөлийн дарга “Олон хөрөнгө оруулагч бүтэлгүйтэхээс үргэлж эмээдэг. Харин Сэм Олтмэн том мөрий тавихаас хэзээ ч буцдаггүй” гэжээ.

Өдгөө 38 настай тэрбээр 30 жилийн өмнө буюу найман настайдаа анхны компьютероо авсан цагаасаа хойш код бичихийг сонирхож, суралцаж байжээ.

Эх сурвалж: Insider