АНУ-ын Пентагон болон НАТО-гийн нууц баримт бичгүүдийн зургууд өнгөрсөн баасан гарагт нийгмийн сүлжээгээр тархжээ. Тэдгээрт Украины болон Ойрх Дорнод, Хятадын тухай бичсэн байсан талаар New York Times сонин мэдээлсэн байна.

Албаны хүмүүс тэдгээр нууц баримтууд задарснаар хэдий хэмжээний хохирол үүсэж болохыг үнэлж байгаа бөгөөд бусдад анзаарагдахгүй хэр хугацаа өнгөрснийг мэдэхгүй байна гэж Washington Post сонин мэдээлжээ. Учир нь нууцын өндөр зэрэглэлтэй олон арван хуудас баримт бичгийн зургийг Discord платформд хоёрдугаар сарын 28 болон гуравдугаар сарын 2-ны өдрүүдэд нийтэлсэн байна. Гэтэл АНУ-ын эрх баригчид өнгөрсөн долоо хоногт New York Times сонинд нийтлэгдсэний дараа л энэ тухай мэджээ.

Түүнчлэн Америкийн тагнуулын алба Киевт Орос хэзээ ямар зорилготойгоор довтлох гэж буйг анхааруулж, улмаар Украинд хамгаалалтын арга хэмжээ авах боломжийг олгосон талаар тус материалаас харах боломжтой аж.

Тус нууц материал нь Украин, Ойрх Дорнод, Өмнөд Солонгос, Хятадтай холбоотой Америкийн үндэсний аюулгүй байдлын 100 гаруй баримт бичгээс бүрдэж байгаа аж.

Тэдгээр бичиг баримтуудад дүн шинжилгээ хийхэд АНУ Оросын эрх баригчид мөн Украин болон холбоотон орнуудын албан тушаалтнуудыг ажиглаж, хяналт тавьж байдаг гэсэн дүгнэлтийг New York Times хийжээ. Тэр дундаа АНУ ямар нэгэн байдлаар Оросын бараг бүх тусгай албанаас мэдээлэл авдаг байна. Тухайлбал, НАТО-гийн орнууд Украинд нийлүүлсэн танкуудыг эсэргүүцэх тухай Оросын Зэвсэгт хүчний жанжин штабын төлөвлөгөөний талаар “Маш нууц” гэсэн тэмдэглэгээтэй баримтад дурдсан байжээ.

Түүнчлэн Америкийн тагнуулын алба Киевт Орос хэзээ ямар зорилготойгоор довтлох гэж буйг анхааруулж, улмаар Украинд хамгаалалтын арга хэмжээ авах боломжийг олгосон талаар тус материалаас харах боломжтой аж. Мөн Оросын арми Украины эрчим хүчний хэдэн арван байгууламж, гүүрнүүдэд цохилт өгөхөөр бэлтгэж байсныг урьдаас мэдэж байсан тухай өгүүлжээ.

Эх сурвалж: ВВС