Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
31
Ерөнхий сайд Г.Занданшатар Монголын боловсрол, шинжлэх ухааны үйлдвэрчний эвлэлийн холбооны төлөөллийг хүлээн авч уулзлаа. Уулзалтаар хөдөлмөр, нийгмийн түншлэлийн гурван талт 2023-2025 оны улсын хэлэлцээрийн хэрэгжилт, боловсролын салбарын өнөөгийн байдал, багш нарын нийгмийн баталгааны асуудлыг хэлэлцэв.
2025 онд боловсролын салбарын урсгал зардал 3.8 их наяд төгрөг батлагдсан. Үүний 70 хувь буюу 2.6 их наяд төгрөг нь цалингийн зардал байна. Багш нарын дундаж цалин нэмэгдэж байгаа ч ерөнхий боловсролын сургуульд 1-5 жил ажилласан залуу багш нарын үндсэн цалин нэг сая 488 мянган төгрөг хэвээр байна. Багш нарын 52 орчим хувь нь 15-40 хувийн урамшууллыг сар бүр, улирал тутам авч байгаа аж.
Үйлдвэрчний эвлэлийн төлөөлөгчид багшийн, ялангуяа залуу багш нарын үндсэн цалинг нэмэгдүүлэх, багшийн хөгжил болон орон сууцны хангамжид анхаарахыг хүсэв. Нийслэлийн зарим сургуулийн нэгдүгээр ангид нэг ангид 70 хүүхэд суралцаж байгаа нь багшийн ажлын ачааллыг нэмэгдүүлж буйг онцолж, энэ асуудлыг шийдвэрлэх шаардлагыг Ерөнхий сайдад уламжиллаа.
Ерөнхий сайд Г.Занданшатар багшийн хөгжлийн гурван жилийн төлөвлөгөө боловсруулж, дундаж цалинг нэмэгдүүлэхэд анхаарахаа илэрхийлэв. Мөн Засгийн газраас хэрэгжүүлж буй “Орлогод нийцсэн орон сууцны хөтөлбөр”-ийн хүрээнд багш нарыг дэмжих тусгай хөтөлбөр хэрэгжүүлэхээр болжээ.
Түүнчлэн нэг ангид суралцах хүүхдийн тоо хэтэрсэн асуудалд анхаарч, багшид хүүхдийн тоогоор нэмэгдэл хөлс тооцох, багшийн ажлын ачааллыг бууруулахыг Боловсролын яам болон нийслэлийн удирдлагуудад үүрэг болголоо.
2025-2026 оны хичээлийн жилд сургуулийн өмнөх боловсролд 300 мянга, ерөнхий боловсролд 830 мянган хүүхэд суралцах урьдчилсан тооцоо гарсан. Энэ нь өмнөх жилээс 30 мянгаар өссөн үзүүлэлт юм.
Цаашид боловсролын салбарт цахимжилтыг эрчимжүүлж, “Багшлахуйгаас суралцахуй” тогтолцоонд шилжих, ингэснээр багш, ажилтны цалин хөлсний тогтолцоонд ч шинэчлэл хийнэ гэдгийг Ерөнхий сайд онцлов.
Тэрээр боловсролын чанар, хүртээмжийг сайжруулах нь Засгийн газрын хамгийн том зорилт болохыг онцолж, 2026 оныг “Боловсролыг дэмжих жил” болгон зарласан бөгөөд багш нарын цалин хөлс, нийгмийн баталгааг сайжруулахын төлөө ажиллаж буйгаа илэрхийллээ.
Ерөнхий сайд Г.Занданшатар Монголын боловсрол, шинжлэх ухааны үйлдвэрчний эвлэлийн холбооны төлөөллийг хүлээн авч уулзлаа. Уулзалтаар хөдөлмөр, нийгмийн түншлэлийн гурван талт 2023-2025 оны улсын хэлэлцээрийн хэрэгжилт, боловсролын салбарын өнөөгийн байдал, багш нарын нийгмийн баталгааны асуудлыг хэлэлцэв.
2025 онд боловсролын салбарын урсгал зардал 3.8 их наяд төгрөг батлагдсан. Үүний 70 хувь буюу 2.6 их наяд төгрөг нь цалингийн зардал байна. Багш нарын дундаж цалин нэмэгдэж байгаа ч ерөнхий боловсролын сургуульд 1-5 жил ажилласан залуу багш нарын үндсэн цалин нэг сая 488 мянган төгрөг хэвээр байна. Багш нарын 52 орчим хувь нь 15-40 хувийн урамшууллыг сар бүр, улирал тутам авч байгаа аж.
Үйлдвэрчний эвлэлийн төлөөлөгчид багшийн, ялангуяа залуу багш нарын үндсэн цалинг нэмэгдүүлэх, багшийн хөгжил болон орон сууцны хангамжид анхаарахыг хүсэв. Нийслэлийн зарим сургуулийн нэгдүгээр ангид нэг ангид 70 хүүхэд суралцаж байгаа нь багшийн ажлын ачааллыг нэмэгдүүлж буйг онцолж, энэ асуудлыг шийдвэрлэх шаардлагыг Ерөнхий сайдад уламжиллаа.
Ерөнхий сайд Г.Занданшатар багшийн хөгжлийн гурван жилийн төлөвлөгөө боловсруулж, дундаж цалинг нэмэгдүүлэхэд анхаарахаа илэрхийлэв. Мөн Засгийн газраас хэрэгжүүлж буй “Орлогод нийцсэн орон сууцны хөтөлбөр”-ийн хүрээнд багш нарыг дэмжих тусгай хөтөлбөр хэрэгжүүлэхээр болжээ.
Түүнчлэн нэг ангид суралцах хүүхдийн тоо хэтэрсэн асуудалд анхаарч, багшид хүүхдийн тоогоор нэмэгдэл хөлс тооцох, багшийн ажлын ачааллыг бууруулахыг Боловсролын яам болон нийслэлийн удирдлагуудад үүрэг болголоо.
2025-2026 оны хичээлийн жилд сургуулийн өмнөх боловсролд 300 мянга, ерөнхий боловсролд 830 мянган хүүхэд суралцах урьдчилсан тооцоо гарсан. Энэ нь өмнөх жилээс 30 мянгаар өссөн үзүүлэлт юм.
Цаашид боловсролын салбарт цахимжилтыг эрчимжүүлж, “Багшлахуйгаас суралцахуй” тогтолцоонд шилжих, ингэснээр багш, ажилтны цалин хөлсний тогтолцоонд ч шинэчлэл хийнэ гэдгийг Ерөнхий сайд онцлов.
Тэрээр боловсролын чанар, хүртээмжийг сайжруулах нь Засгийн газрын хамгийн том зорилт болохыг онцолж, 2026 оныг “Боловсролыг дэмжих жил” болгон зарласан бөгөөд багш нарын цалин хөлс, нийгмийн баталгааг сайжруулахын төлөө ажиллаж буйгаа илэрхийллээ.