УИХ-ын дарга Н.Учрал Төв банканд хийх хяналт, шалгалтын асуудлаар Ерөнхий аудитор, Монголбанкны Ерөнхийлөгч нартай уулзаж байна.

Монголбанкны Ерөнхийлөгч  C.Наранцогт хэлэхдээ, Монгол банканд хоёр үе шаттай бүтцийн өөрчлөлт хийнэ. Ажил үүргийн давхцалыг арилгах эхний бүтцийн өөрчлөлтийг ирэх долоо хоногт эхлүүлнэ. Шинэ бүтцээр аль болох аж ахуйн ажил хийхгүй байхад анхаарч байна. Олон жилийн хуримтлагдсан алдагдал инфляцын суурь шалтгаан болж байна. Энэ мэт олон ажлыг 2030 он хүртэлх төв банкны хийх ажлын төлөвлөгөөнд тусгасан. Хаврын чуулганаар өргөн барина. 

Ерөнхий аудитор С. Магнайсүрэн,  С.Наранцогт дарга хүсэлт гаргаснаар бид Монголбанкинд аудитын шалгалт хийнэ. Мөн нэгдүгээр сарын 25-с Төсвийн шууд захирагчдын санхүүгийн тайлангийн аудит эхэлнэ. Бид Аудитын газрын дарга нэршилтэй 46 удирдах ажилтныг 32 болгож цөөлсөн. 2026 оныг бид аудитыг үр нөлөөг тооцох жил болгож ажиллана гэв.

УИХ-ын дарга Н.Учрал өргөн хэрэглээний бараа бүтээгдэхүүний үнийн өсөлтөд анхаарч үе шаттай зохих төлөвлөгөөний дагуу хариуцлагатай ажиллахыг хүсэв.