Баяр наадмын өдрүүдэд 24 цагаар ажиллах эрүүл мэндийн байгууллагуудтай холбоо барих утасны дугааруудыг хүргэж байна. 

Эрүүл мэндийн яамнаас гаргасан мэдээллээр, 

• 2024 оны зургаа, долоодугаар саруудад 171 хүн осол гэмтлийн улмаас амь насаа алдсан
• 2024 онд зам тээврийн ослын улмаас нийт 528 хүн нас барсны 141 нь нийслэлд, 387 нь орон нутагт бүртгэгдсэн байна. Энэ оны эхний хагас жилийн байдлаар 207 иргэнээ бид зам дээр алдсан ба Улаанбаатарт 53, хөдөөгийн замд 154 нь бүртгэгджээ. 
• 2024 оны ганцхан долоодугаар сарын осол гэмтлийн тоон мэдээнээс харахад  7706 хүн унаж, 4220 хүн зам тээврийн осолд өртөж, 3755 хүн амьгүй механик хүчинд өртөж, 1852 хүн амьтанд хазуулж, хатгуулах гэх мэт гэмтэлд өртөж, 1541 хүн хүчирхийлүүлж, 635 хүн түлэгдсэн ба санамсаргүйгээр 297 хүн хордсон байна. 
• Осол гэмтэлд өртсөн хүмүүсийн 13 орчим хувь нь согтууруулах ундаа хэрэглэсэн байжээ.