Энэ зун орон нутагт соёл, урлаг, аялал жуулчлалын “АРА ФЕСТ 2025” болон “Taiga Festival 2025” зэрэг цогц үйл ажиллагаанууд болж байна. Мөн "The HU" хамтлагийн бүрэн хэмжээтэй тоглолт зохион байгуулагдах юм.  

Эдгээр фестивалиудыг Монгол орны үзэсгэлэнт байгаль, уламжлалт соёл, орчин үеийн урлагийг хослуулсан, гэр бүл, залуус, жуулчдын сонирхлыг татахуйц өргөн хүрээнд төлөвлөжээ

“АРА ФЕСТ 2025”

Байршил: АРА Комплекс, Архангай аймаг (Цэцэрлэг хотоос 8 км)

Хугацаа: 2025 оны зургаадугаар сарын 24-нөөс наймдугаар сарын 3 хүртэл

Хөтөлбөр:

• Дэлхийн болон Монголын шилдэг уран бүтээлчдийн тоглолтууд
• Үндэсний өв соёл, уламжлалт үзүүлбэрүүд
• Олон улсын нэртэй уран бүтээлчдийн оролцоотой шоу, поп оркестр тоглолтууд
•  Морин тойруулга, zip line, том гулсуур зэрэг адал явдал, аяллын дэд бүтцүүд
• Аялал амралтын онцлог: Майхантай аялагчдад зориулсан тусгай бүс болон унтлагын капсулууд бий.

Тасалбарыг  Ticket.mn-нд худалдаалж байна. 

“TAIGA FESTIVAL 2025”

Байршил: Мөрөн хот, Хөвсгөл аймаг

Хугацаа: 2025 оны долоодугаар сарын 14-20

Хөтөлбөр:

•  Дэлхийн шилдэг уран бүтээлчдийн тоглолтууд
• Монголын уламжлалт урлагийн үзүүлбэрүүд 
• Гар урлалын үзэсгэлэн
• Үндэсний хоолны цуглуулга

Тасалбарыг Shoppy.mn цахим хуудсаар худалдаалж байна. 

"THE HU" ХАМТЛАГИЙН ТОГЛОЛТ

Увс аймгийн түүхт 100 жилийн ойд зориулж аймгийн төв цэнгэлдэх хүрээлэнд болно.

Тасалбарын борлуулалт EVENTX.MN-д борлуулагдаж байна. Энгийн тасалбар ирэх сарын 5-ныг хүртэл 100 мянган төгрөг, түүнээс хойш 200 мянган төгрөг. Харин FANZONE тасалбар 300 мянга, VIP суудал 1 сая төгрөгөөр худалдаалагдаж байна.