Улсын хэмжээнд өнөөдөр /2025.08.04/ 14:00 цагийн байдлаар 10 ойн гал түймэртэй байгаагаас 3 түймрийг цурамд орууллаа.

Сэлэнгэ аймгийн Хүдэр суманд-1, Ерөө суманд-2, Мандал суманд-2, Хөвсгөл аймгийн Цагааннуур суманд-1, Улаан-Уул суманд-1 буюу нийт 7 ойн гал түймрийг цурамд оруулахаар ажиллаж байна. 

Түймрийн голомтод Онцгой байдлын байгууллагын 361 алба хаагч, 22 автомашин, мэргэжлийн ангийн 117 хүн, 10 автомашин нийт 478 хүн, 1 нисдэг тэрэг, 32 автомашин болон 34 морьтой үүрэг гүйцэтгэж байгаа юм.

Он гарсаар 14 аймгийн 72 сум, нийслэлийн 3 дүүрэгт нийт 213 удаагийн ой, хээрийн гал түймэр бүртгэгдсэн нь өнгөрсөн оны мөн үетэй харьцуулахад 57 хувиар өссөн байна.

Эх сурвалж: ОБЕГ