Уур амьсгалын өөрчлөлтөөс шалтгаалсан байгалийн гамшгийн давтамж ойртож буй энэ үед өвлийн бэлтгэлээ эртнээс базааж, малын тоог бэлчээрийн даацад  нийцүүлэх, өвс тэжээлийн нөөц, нэмэгдэл тэжээлийг хангалттай бэлтгэх шаардлагатай. 

НҮБ-ын АДАПТ төслийн баг малчид, хоршоод, мал бүхий иргэд, аж ахуйн нэгжид зориулан “Орон нутгийн түүхий эдээр дарш бэлтгэх технологи” гарын авлагыг боловсруулжээ. Гарын авлагад:

- Дарш бэлтгэх үе шат, технологийн үндэс
- Орон нутгийн олдоц ихтэй ургамал, түүхий эдийг ашиглах арга
- Даршны чанарыг хадгалах болон бусад мэргэжлийн зөвлөмжүүд багтсан.

Дарш бэлтгэхийн давуу талууд:

• Шимт чанар, уураг, витамин, эрдсээр баялаг
• Нутгийн түүхий эд ашигласнаар өртөг хэмнэлттэй
• Хадгалалтын хугацаа урт, шимт чанар алдагдал багатай.

Цахим гарын авлагыг эндээс уншина уу.

Татаж авах: https://drive.google.com/.

Гарын авлагыг Уур амьсгалын ногоон сангийн (GCF) санхүүжилтээр, Хүнс, хөдөө аж ахуй, хөнгөн үйлдвэрийн яам, Байгаль орчин, уур амьсгалын өөрчлөлтийн яам, UNDP in Mongolia - НҮБ-ын Хөгжлийн хөтөлбөр хамтран хэрэгжүүлж буй  "Монгол орны хөдөөгийн иргэдийн уур амьсгалын өөрчлөлтөд дасан зохицох чадамж болон эрсдэлийн менежментийг сайжруулах нь " (АДАПТ) төслийн хүрээнд 2023 онд бүтээжээ.