Зэрлэг амьтдын тархац нутгийн идэш тэжээл, бэлчээр нутгийг хамгаалах зорилгоор биотехникийн арга хэмжээг Богдхан уулын дархан цаазат газарт тогтмол зохион байгуулж байгаа аж. 

2025 он гарсаар 5 байршилд 250 гаруй кг хужир шүү буга, гөрөөс, янгир зэрэгт тавьж өгөөд байна. Мөн цаашид үе шаттайгаар зэрлэг амьтдад биотехникийн арга хэмжээг төлөвлөгөөний дагуу үргэлжлэн авагдах юм.

Байгаль хамгаалагчдын нийгмийн баталгааг хангах, ажлын орчин нөхцөлийг сайжруулах, материаллаг баазыг бэхжүүлэх зорилгоор 2024 онд Богдхан уулын Манзуширын аманд байгаль хамгаалагч ажлын байрыг шинэчлэн их засвар хийж, барьж ашиглалтад оруулсан.

Энэхүү сургалт, мэдээллийн төвөөр дамжуулан аялагчдад мэдээлэл өгөх, 15-20 хүртэлх хүнд экологийн боловсрол олгох сургалт зохион байгуулах боломжтой бөгөөд мөн Богдхан уулын Манзушир-Цэцээ гүний чиглэлийн явган аялалын замын (маршрут) хяналтыг сайжруулах, дархан цаазат газрын ховор ургамал, зэрлэг амьтан, төрөл зүйлийн шувууны талаарх бүхийл мэдээллийг аялагчид, олон нийт нэг дороос цогцоор нь авах боломжтой юм.

Байгаль хамгаалагчийн судалгаа, мэдээллийн төв ашиглалтад орсноор 2025 он гарснаар 150 гаруй иргэдэд байгаль орчны талаарх мэдээлэл, эрүүл мэнд, экологийн анхан шатны тусламж үйлчилгээ үзүүлээд байна.

Хамгаалалтын захиргааны улсын байцаагч нар тогтмол хяналт шалгалтаар ажиллаж байгаа бөгөөд 2025 оны 01 сарын 22-ны өдөр Богдхан уулын Бумбатын амны орчинд хууль бус мод бэлтгэсэн байж болзошгүй үйлдлийг газар дээр нь илрүүлэн экологийн цагдаагийн албанд мэдэгдэн шилжүүлээд байна.