Иений ханш ам.долларын эсрэг 0.1 хувиар суларч, 160 нэгжид ойртов.
Даваа гарагт иений ханш ам.долларын эсрэг 0.1 хувиар суларч, хамгийн сүүлд Япон улсын Засгийн газрын интервенц хийсэн түвшин буюу 160.17 нэгжид ойртоод байна. Тус улсын Сангийн дэд сайд Масато Канда “Хэрэв валютын ханш хэт их хэлбэлзвэл энэ нь эдийн засагт сөргөөр нөлөөлнө. Спекуляцын улмаас валютын ханш огцом савласан тохиолдолд бид зохих арга хэмжээ авахад бэлэн байна" гэж мэдэгдлээ.
Япон улс дөрөвдүгээр сарын 26-наас тавдугаар сарын 29-ний хооронд нэг сарын хугацаанд валютын захад 9.8 их наяд иен буюу 61.3 тэрбум ам.долларын интервенц хийснээ хүлээн зөвшөөрөөд байгаа юм. Эрх баригчид интервенц хийгдсэн цаг хугацааг тодорхой мэдээлээгүй ч арилжааны мэдээллээс харахад дөрөвдүгээр сарын 29, тавдугаар сарын нэгний өдрүүдэд хоёр үндсэн үе шаттай явагдсаныг харж болохоор байна.
Японы гадаад валютын нөөцийн мэдээллээс харвал тус улсын Засгийн газар интервенц хийхийн тулд Засгийн газрын бондоо худалдсан байх магадлалтай байгаа аж.
"АНУ-ын зүгээс Япон улсын зах зээлд хөндлөнгөөс оролцсонтой холбоотой ямар нэг асуудал байхгүй. Тэдний хувьд хамгийн чухал зүйл бол ил тод байдал" гэж Японы Сангийн сайд мөн мэдэгдсэн байна. Түүнчлэн "АНУ-аас Япон улсыг валютын хяналтын жагсаалтад оруулах шийдвэр гаргасан нь иений ханшийн стратегид нөлөөлөөгүй" гэж тодотгожээ.
Энэ долоо хоногт дэлхийн улс орнуудын инфляцын цаашдын төлөвийг тодорхойлоход туслах эдийн засгийн зарим гол үзүүлэлтүүд танилцуулагдахаар байгаа юм. Долоо хоногийн эхний арилжааг Азийн хувьцаанууд уналттай эхлүүлж байна. Иений ханш одоогоор огцом өөрчлөлтгүй, тогтвортой байна.
Даваа гарагийн байдлаар бүс нутгийн голлох индексүүд гурав дахь өдрөө дараалан унаад байгаа юм. Тухайлбал: БНСУ-ын “Kospi Index” уналттай байгаа бол “Nikkei 225” болон “Topix Index” хэлбэлзэлтэй байна.
С.Жаргалмаа
Иений ханш ам.долларын эсрэг 0.1 хувиар суларч, 160 нэгжид ойртов.
Даваа гарагт иений ханш ам.долларын эсрэг 0.1 хувиар суларч, хамгийн сүүлд Япон улсын Засгийн газрын интервенц хийсэн түвшин буюу 160.17 нэгжид ойртоод байна. Тус улсын Сангийн дэд сайд Масато Канда “Хэрэв валютын ханш хэт их хэлбэлзвэл энэ нь эдийн засагт сөргөөр нөлөөлнө. Спекуляцын улмаас валютын ханш огцом савласан тохиолдолд бид зохих арга хэмжээ авахад бэлэн байна" гэж мэдэгдлээ.
Япон улс дөрөвдүгээр сарын 26-наас тавдугаар сарын 29-ний хооронд нэг сарын хугацаанд валютын захад 9.8 их наяд иен буюу 61.3 тэрбум ам.долларын интервенц хийснээ хүлээн зөвшөөрөөд байгаа юм. Эрх баригчид интервенц хийгдсэн цаг хугацааг тодорхой мэдээлээгүй ч арилжааны мэдээллээс харахад дөрөвдүгээр сарын 29, тавдугаар сарын нэгний өдрүүдэд хоёр үндсэн үе шаттай явагдсаныг харж болохоор байна.
Японы гадаад валютын нөөцийн мэдээллээс харвал тус улсын Засгийн газар интервенц хийхийн тулд Засгийн газрын бондоо худалдсан байх магадлалтай байгаа аж.
"АНУ-ын зүгээс Япон улсын зах зээлд хөндлөнгөөс оролцсонтой холбоотой ямар нэг асуудал байхгүй. Тэдний хувьд хамгийн чухал зүйл бол ил тод байдал" гэж Японы Сангийн сайд мөн мэдэгдсэн байна. Түүнчлэн "АНУ-аас Япон улсыг валютын хяналтын жагсаалтад оруулах шийдвэр гаргасан нь иений ханшийн стратегид нөлөөлөөгүй" гэж тодотгожээ.
Энэ долоо хоногт дэлхийн улс орнуудын инфляцын цаашдын төлөвийг тодорхойлоход туслах эдийн засгийн зарим гол үзүүлэлтүүд танилцуулагдахаар байгаа юм. Долоо хоногийн эхний арилжааг Азийн хувьцаанууд уналттай эхлүүлж байна. Иений ханш одоогоор огцом өөрчлөлтгүй, тогтвортой байна.
Даваа гарагийн байдлаар бүс нутгийн голлох индексүүд гурав дахь өдрөө дараалан унаад байгаа юм. Тухайлбал: БНСУ-ын “Kospi Index” уналттай байгаа бол “Nikkei 225” болон “Topix Index” хэлбэлзэлтэй байна.
С.Жаргалмаа