Боловсрол, соёл, харилцаа, шинжлэх ухаан болон технологийн салбарын олон улсын солилцоо, ард түмнүүдийн хоорондын харилцаа, хамтын ажиллагааг хөгжүүлэх зорилготой ЮНЕСКО болон БНХАУ-ын Засгийн газрын хамтарсан БНХАУ-ын их сургуулиудад нэг жилийн хугацаатай суралцах судлаач оюутан болон магистр болон докторын түвшинд суралцах оюутны “Цагаан хэрэм” тэтгэлэгт хөтөлбөр зарлажээ.

ЮНЕСКО-ийн Монголын үндэсний комисс нь Монгол Улсаас тус тэтгэлэгт хөтөлбөрт хамрагдах хоёр суралцагчийг сонгон шалгаруулан нэр дэвшүүлэх тул доорх шалгуурыг хангасан иргэд өргөдөл болон бүрдүүлэх шаардлагатай бусад материалын хамт тус комисст natcom@unesco.mn хаягаар 2025 оны 2 сарын 5-ны өдрийн 12:00 цагийн дотор ирүүлнэ үү.

СУРАЛЦАХ ЧИГЛЭЛ

Дараах холбоосоор орж суралцах салбар болон их сургуулиа сонгоно уу:

https://www.campuschina.org/universities/index.html

ТАВИГДАХ ШААРДЛАГА

• Нэг жилийн судлаач оюутнаар суралцах суралцагчид бүрэн дунд боловсролын гэрчилгээтэй, 45-аас доош настай байх
• Магистрын түвшинд суралцах суралцагчид баклаврын зэрэгтэй 35-аас доош настай, докторын түвшинд суралцах суралцагчид магистрын зэрэгтэй 40-өөс доош настай байх
• Хэлний шаардлага: Өөрийн сонгосон их сургуулийн хэлний шаардлагын дагуу бичиг баримтыг бүрдүүлнэ.
• Оюун санаа болон бие бялдрын хувьд эрүүл байх
• Сонгосон сургуулийн нэмэлт шаардлагыг хангасан байх
• Суралцах их сургуулиасаа 2025 оны хичээлийн жилд элсүүлэх  зөвшөөрөл бүхий захидалтай (Acceptance Letter) байвал давуу тал болно.

БҮРДҮҮЛЭХ МАТЕРИАЛ

• https://www.campuschina.org/ холбоосоор орж цахим өргөдөл үүсгэнэ.
• Хүчинтэй паспортын хуулбар
• Нотариатаар баталгаажуулсан ерөнхий боловсролын гэрчилгээ, бакалавр, магистрын диплом, Англи эсвэл Хятад хэл дээрх нотариатаар баталгаажуулсан орчуулгын хамт
• Дүнгийн жагсаалт, Англи эсвэл Хятад хэл дээрх нотариатаар баталгаажуулсан орчуулгын хамт
• Одоо суралцаж буй сургуулийн тодорхойлолт, Англи эсвэл Хятад хэл дээрх нотариатаар баталгаажуулсан орчуулгын хамт.
• Recommendation letter буюу Тодорхойлолт (англи хэл дээр, 2 хүнээс авсан байх)
• Суралцах төлөвлөгөө/судалгааны санал (англи хэл дээр, хамгийн багадаа 500 үгтэй)
• Эрүүл мэндийн хуудсыг эмчийн тамга, гарын үсгээр баталгаажуулсан байх
• Англи хэл дээрх хөтөлбөрт элсэх бол IELTS эсвэл TOEFL-ийн онооны батламж (2 жилээс хэтрээгүй) хавсаргана.
• Хятад хэл дээрх хөтөлбөрт элсэх бол HSK 3 буюу түүнээс дээш оноотой батламжийг хавсаргах
• Гэмт хэрэгт холбогдолгүй тодорхойлолт (англи хэл дээр)
• Сонгосон сургуулийн элсэлтийн гэрчилгээ, профессор багшийн судалгаа хийх урилга зэрэг бичиг баримт
• Дуу хөгжим, уран зургийн чиглэлээр суралцах суралцагчид өөрийн портфолио CD-г хавсаргах (уран зурагт: 2 хар зураг, 2 өнгөт /тосон/усан будаг/ зураг болон бусад)
• 18 нас хүрээгүй суралцагчид БНХАУ дахь асран хамгаалагчийн бичиг баримтыг хавсаргах

Дэлгэрэнгүй мэдээллийг ЭНД дарж авна уу.

Эх сурвалж: ЮНЕСКО-ИЙН МОНГОЛЫН ҮНДЭСНИЙ КОМИСС