Өнгөрсөн сарын 25-наас улс даяар 11 настай хүүхдүүдийг вакцинд хамруулахаар болж, ерөнхий боловсролын сургуулилалд дархлаажуулалтын үйл ажиллагаа явагдаж байна. Вакцинжуулалтыг ЭМЯ, ХӨСҮТ хамтран ерөнхий боловсролын сургуулиудад зохион байгуулж буй.

Дархлаажуулалтын хамрагдалт улсын хэмжээнд хэдэн хувьтай байгааг ЭМЯ-ны Дархлаажуулалт болон халдварт өвчин хариуцсан мэргэжилтэн Б. Мөнхзулаас тодрууллаа.

Тэрээр "Эрүүл мэндийн яамнаас энэ жил 11 настай 78 мянган хүүхдийг уг дархлаажуулалтад хамруулна гэж төлөвлөж байсан. Үүнээс улсын хэмжээнд дархлаажуулалт 21 хувьтай байна. Харин нийслэлийн хэмжээнд 17 хувьтай байна. Дархлаажуулалтыг сургуульд суурилж явуулж байгаа. Хичээл сургууль амарсны дараа өрхийн эмнэлгүүдэд дархлаажуулалт хийгдэнэ.  

Насанд хүрсэн 10 хүний 8 нь амьдралынхаа туршид папиллома вирусээр халдварладаг.

Вакцинтай холбоотой өргөдөл, гомдол ирвэл ЭМЯ-наас тухай бүрд нь хариу мэдээлэл өгч байна. Мөн яамны болон харьяа байгууллагын цахим хаягуудаар мэдээлэл түгээж буй.

Вакцин эсэргүүцэгчид бусад орнуудад ч байдаг. Зөвхөн Монголд энэ асуудал тулгараад байгаа биш юм. Вакцин эсэргүүцдэг бүлэг хүмүүс байдаг. Эдгээр хүмүүсийн үзэл бодлыг бол хүндэтгэнэ. Гэхдээ энэ хүмүүс худлаа мэдээлэл тарааж, бусад руу дайрах нь зохимжгүй үйлдэл. Энэ асуудлаар иргэдээс ирсэн гомдлын дагуу Цагдаагийн байгууллагад мэдээлэл хүргүүлж ажиллаж байна.  

Манай улс АНУ-д үйлдвэрлэсэн Gardasil-4 цент вакциныг хэрэглэж байна. Насанд хүрсэн 10 хүний 8 нь амьдралынхаа туршид папиллома вирусээр халдварладаг. Уг вакцинд хамрагдсанаар хүний папиллома вирусээр үүсгэгддэг хорт хавдар болон бусад өвчнөөр өвдөхөөс сэргийлнэ” гэлээ.  

-Хүний папиллома вирусийн эсрэг вакцины талаар та юуг мэдэх хэрэгтэй вэ