УИХ-ын 2025 оны намрын ээлжит  чуулганы хугацаанд МАН-ын бүлэг нийт 12 удаа  хуралдаж, давхардсан тоогоор 33 хууль тогтоолын төсөл, бодлогын баримт бичиг, цаг үеийн тулгамдсан асуудлуудыг хэлэлцжээ.

Улс орны эдийн засгийн идэвхжил, тэлэлтийг дэмжих, дундаж давхаргыг бэхжүүлэх, төрийн бодлогын уялдаа холбоог сайжруулах, эрх зүйн орчныг цаг алдалгүй бүрдүүлэх зорилтын хүрээнд УИХ дахь Монгол Ардын Намын бүлгийн гишүүд 2025 оны хавар, намрын чуулганы хугацаанд 27 хуулийн төсөл, Улсын Их Хурлын 3 тогтоолын төслийг санаачлан өргөн мэдүүлснээс 8 хуулийн төсөл батлагдаж, 19 хуулийн төсөл, Улсын Их Хурлын 2 тогтоолын төсөл хэлэлцүүлгийн шатанд байгаа аж.

Намрын чуулганы хугацаанд Монгол Ардын Намын бүлгээс бүлгийн даргын 15 шийдвэр, бүлгийн хуралдааны 12 шийдвэр гаргаж, иргэд, төрийн болон төрийн бус байгууллагаас ирүүлсэн өргөдөл, санал хүсэлтийг шийдвэрлэх хүрээнд 151 албан бичиг илгээсэн байна.

Эх сурвалж: Монгол Ардын Намын Бүлэг