Тусгай хамгаалалттай газар нутгийн экосистемийг хамгаалах, бэлчээрийн даацыг зохицуулах зорилгоор хязгаарлалтын бүсэд зөвшөөрөлгүйгээр отрын мал оруулахгүй байхыг холбогдох албанаас онцгойлон анхааруулж байна.

Хэрэв тогтоосон дэглэм, горимыг зөрчиж мал бэлчээсэн бол Зөрчлийн тухай хуулийн 7.17 дугаар зүйлийн дагуу дараах шийтгэлийг ногдуулна:

• Учруулсан хохирлыг бүрэн гаргуулна.
• Иргэнийг 500 нэгжтэй тэнцэх хэмжээний төгрөгөөр (500,000 төгрөг);
•  Хуулийн этгээдийг 5,000 нэгжтэй тэнцэх хэмжээний төгрөгөөр (5,000,000 төгрөг) торгоно.

Тусгай хамгаалалттай газар нутгийн тухай хуулийн 29¹.2-т зааснаар байгаль, цаг уурын нөхцөл хүндэрсэн үед дархан цаазат болон байгалийн цогцолборт газрын хязгаарлалтын бүсэд мал бэлчээрлүүлж болно.

Мал бэлчээрлүүлэх, хадлан бэлтгэх ажлыг заавал харьяалах хамгаалалтын захиргаатай гэрээ байгуулсны үндсэн дээр зохион байгуулна. Бэлчээрийн даац болон хамгаалалтын дэглэмд нийцсэн байх шаардлагатай.

Малчдад өгөх зөвлөмж: Отрын малаа зөвхөн зөвшөөрөгдсөн бүсэд, байнгын хариулга маллагаатай байлгахыг анхаарна уу. Зөвшөөрөлгүйгээр тусгай хамгаалалттай газар нутагт нэвтэрч, хуулийн хариуцлага хүлээхээс урьдчилан сэргийлээрэй.