Хөвсгөл аймагт тарваган тахлаар өвчилсөн нэг иргэн нас барж, сэжигтэй тохиолдлоор бүртгэгдээд байгаа 88 иргэнийг тусгаарласан тул тус аймгийн хоёр сумаас гарах хөдөлгөөнийг хязгаарлаж, өндөржүүлсэн бэлэн байдалд шилжүүлсэн болохыг Хөвсгөл аймгийн онцгой комиссоос мэдээллээ.

Тодруулбал, тус аймгийн Мөрөн, Цагаан-Уул сумуудад тарваган тахлын өвчлөл бүртгэгдсэнтэй холбоотойгоор өнөөдрөөс эхлэн долоо хоногийн хугацаанд өндөржүүлсэн бэлэн байдалд шилжүүлснийг мэдээллээ. 

Энэ хугацаанд сургууль, цэцэрлэгийн үйл ажиллагааг зогсоож, цахимд шилжүүлж байгаа бөгөөд бусад төрлийн олон нийтийг хамарсан үйл ажиллагааг мөн 2025 оны 9-р сарын 14-нийг дуустал түр зогсоожээ. 

Харин тус хоёр сумаас гарах хөдөлгөөнийг 10-ны өдрийг дуустал зогсоож байгаа юм байна. Эрүүл мэндийн асуудал, зайлшгүй шаардлагатай албан томилолт, буяны үйл ажиллагаа, зан үйл гүйцэтгэх тохиолдолд холбогдох баримт бичгийг үндэслэн гарах боломжтой байна гэдгийг Хөвсгөл аймгийн онцгой комиссоос мэдээллээ. 

Мөн гурав хоногийн хугацаанд зах худалдааны төв, бар рестораны үйл ажиллагааг зогсоожээ. 

Байгалийн голомтот хурц халдварт өвчин гэгддэг тарваган тахал нь хүнд дараах замаар дамжин халдварладаг.