Их говийн үзэсгэлэнт байгаль, аялал жуулчлал, түүх, соёл, шинжлэх ухааны үнэ цэнийг нэг дор шингээсэн онцгой бүс бол Говь Гурвансайханы байгалийн цогцолборт газар билээ.

Говь цөл, хээр тал, өндөрлөг уулс... Олон ялгаатай экосистемийн гайхамшигт чуулбар бол их говийн үзэсгэлэнт Говь Гурвансайханы байгалийн цогцолборт газраас үзэх боломжтой.

Олны хөл татсан Ёлын ам, Мухар шивэртийн ам, жуулчдын хөл татрахгүй Хонгорын элс, палеонтологийн олдворын үнэлж баршгүй үнэ цэнийг энэ л нутаг нэгэн дор цогцлоодог.

1993 онд байгалийн цогцолборт газрын ангиллаар улсын тусгай хамгаалалтад орсон энэ нутаг өдгөө 33 жилийн ойтойгоо золгож байна. 

Бид их говийн экосистемийг хамгаалж ирсэн гурван арваны түүх болон ирээдүйд үлдэх байгалийн өвийн тухай үзэгч тантай хуваалцаж байна.