УИХ-ын гишүүн М.Нарантуяа-Нара УИХ-ын гишүүнээс татгалзана гэдгээ өнөөдөр /2025.08.15/ цахим хуудаснаа мэдээлжээ.

М.Нарантуяа-Нара 2024 оны УИХ-ын сонгуулийн үр дүнгээр ИЗНН-аас жагсаалтаар сонгогдсон билээ. УИХ-ын намрын ээлжит чуулган 9-р сарын 15-нд нээлтээ хийх юм. 

Тэрбээр 2024 оны наймдугаар сарын 16, 19-ний өдрийн чуулганы нэгдсэн хуралдааныг хүндэтгэх шалтгаангүйгээр тасалсан ба энэ хугацаандаа өөр улсад /БНХАУ/ зорчиж, цахим хаягаараа бараа сурталчилсан.

Тиймээс УИХ-ын Тамгын газрын Ерөнхий нарийн бичгийн дарга Б.Баасандорж Монгол Улсын Үндсэн хууль болон УИХ-ын тухай хуулийн тодорхой заалтуудыг зөрчсөн УИХ-ын гишүүн М.Нарантуяа-Нара-д хуулийн хэрэгжилтийг хангуулахыг хүсэж, сануулах албан бичиг хүргүүлж байв. 

Монгол Улсын Их хурлын тухай хуулийн 9-р зүйлд УИХ-ын гишүүний бүрэн эрх хугацаанаас өмнө дуусгвар болох тухай асуудлыг зохицуулсан байна. Тус хуулийн 9.1.2-т “Хүндэтгэн үзэх шалтгаанаар чөлөөлөгдөх хүсэлтээ өөрөө гаргасныг Улсын Их Хурал хүлээн зөвшөөрсөн” тохиолдолд гишүүний бүрэн эрх хугацаанаас өмнө дуусгавар болох үндэслэл болно гэж заажээ.

Гишүүний бүрэн эрх хугацаанаас өмнө дуусгавар болох эрх зүйн зохицуулалт: 

Тэрбээр ИЗНН-аас намын дарга Б.Батбаатарын дараа жагсаалтын 2-рт бичигдэн, УИХ-ын гишүүн болсон юм. Түүний араас Р.Батболд, С.Замира нар жагсаж, УИХ-ын гишүүн болсон. Хэрэв М.Нарантуяа-Нара УИХ-ын гишүүний бүрэн эрхээс өөрийн хүсэлтээр түдгэлзвэл жагсаалтын 5-рт бичигдсэн Тогоочийн Бат-Эрдэнэ УИХ-ын гишүүн болох эрх зүйн орчин бүрдэх юм.