Сүүлийн өдрүүдэд орсон усархаг борооны улмаас уулын усаар дагтаршиж урссан хог хаягдал голын сайр, жалга дагуу ихээр хуримтлагдаж, эрүүл ахуйн эрсдэл үүсэх нөхцөл бүрджээ.

Энэ эрсдлээс урьдчилан сэргийлэх зорилгоор ҮБХИС-ийн “Шар хад” сургалтын төвд алба хааж буй оюутан цэргүүд нийслэлийн иргэдийн эрүүл мэнд, байгаль орчны аюулгүй байдлыг хангах олон нийтийн ажилд идэвхтэй оролцсон байна.

Тэд Цагаан даваанаас эх авсан үерийн урсгалын дагуух 5 км орчим газраас нийт 2000 гаруй шуудай хог хаягдлыг түүж, ангилан цэвэрлэжээ.