МАН-ын бүлэг өнөөдөр хуралдаж, цаг үеийн асуудлаар мэдээлэл хийлээ. Бүлгийн хуралдааны дарга Ж.Батжаргал хэлэхдээ, МАН-ын бүлгийн хурал хүчинтэй юу гэвэл тийм. МАН-ын 68 гишүүнтэй бүлгийн хуралд 37 нь өнөөдөр ирлээ. Тиймээс энэ хурал хүчинтэй.

Улсын төсөв хуулийн хугацаандаа батлагдах ёстой. Бид ч үүнийг зорьж ажиллаж байна. Өнгөрсөн тав дах өдөр УИХ төсвийг цааш явуулахаар болж, гурав дах хэлэлцүүлэг рүү шилжиж байна. Одоо албан ёсоор УИХ ажлын хэсгээ байгуулах ёстой.  Судалгаа хийсэн бүрэлдэхүүнээ төсөв дээр авч ажиллавал төсөв хугацаандаа батлагдах боломж бий гэдгийг өнөөдрийн бүлгийн хуралдаанаар ярилцаж шийдлээ. 

Мөн улс төрийн үүссэн асуудалд Цэцийн шийдвэр хараахан гараагүй байна. Тиймээс шийдвэрийн үр дүнгээс шалтгаалж дараагийн асуудал яригдана.

Парламентын засаглалтай Монгол улс хууль дээдлэх зарчмаар ажиллах ёстой. Ерөнхийлөгчийн хоригт ч мөн адил хууль дээдлэх зарчим үйлчилнэ. УИХ-ын гишүүд Үндсэн хуулийг зөрчиж болохгүй тул чуулганаар ирц бүрдээгүй. Монгол Улсын төрийн тэргүүн бүрэн эрхийнхээ хүрээнд УИХ-д хуулиа дээдлэх боломж олгосон шийдвэр гаргасан учир дэмжинэ гэв.