"Эрдэнэс Тавантолгой" ХК энэ сарын 6-нд Монголын Хөрөнгийн Биржээр дамжуулан 6.4 мянган тонн баяжуулсан коксжих нүүрсийг БНХАУ-ын Цао Фейдянь боомт хүргэж өгөх нөхцөлөөр арилжааллаа.  

Манай улс Гашуун сухайт-Ганц мод, Ханги, Шивээ хүрэн боомтоор нүүрсээ экспортод гаргадаг.    

Экспортын шинэ гарц нээж, БНХАУ-ын зах зээлийн гүнд буюу гуравдагч орнуудтай хилэлдэг Цао фейдянь боомт руу хүргэж өгөх нөхцөлтэй арилжааг ийнхүү эхлүүлж, гуравдагч орны зах зээлд нүүрс борлуулах боломжтой болжээ. 

Цао Фэйдянь боомт нь БНХАУ-ын Хэбэй мужийн Таншань хотод, Бээжин хотоос 220 км, Тяньжин хотоос зүүн хойд зүгт 120 км-т байрладаг. Бохайн эдийн засгийн чөлөөт бүст багтдаг онцлогтой.  

Хятадын хойд болон баруун хойд бүсүүдийг Номхон далайгаар дэлхийн 70 улсын 110 гаруй боомттой холбодог чухал гарц юм.  

Энэ боомтод нүүрсэн бүтээгдэхүүнээ хүргэснээр Монголын нүүрсний хэрэглэгчийн цар хүрээг нэмэгдүүлэх, зах зээлийг тэлэх, эцсийн хэрэглэгчдэд ойртох ач холбогдолтой.  

БНХАУ-ын Цао Фейдянь боомт хүргэх нөхцөлтэй анхны арилжаанд дөрвөн оролцогч оролцож, нэг тонн нүүрсийг 165.6 ам.доллароор худалдан авч, нийт 1.1 сая ам.долларын үнэлгээ бүхий 6.4 мянган тонн нүүрсийг амжилттай арилжааллаа.  

Эх сурвалж: ЭТТ ХК