Өнөөдөр буюу арванхоёрдугаар сарын 15-ны даваа гаргаас 31-ний өдрийг дуустал тээврийн хэрэгслийн улсын дугаарын тэгш, сондгойгоор хөдөлгөөнд оролцоно гэж Тээврийн цагдаагийн алба, Замын хөдөлгөөний удирдлагын төвөөс мэдээллээ. 

Тодруулбал дээрх хугацаанд 08:00-20:00 цагийн хооронд бүсчлэл хамаарахгүйгээр тээврийн хэрэгслийн улсын дугаарын тэгш, сондгойгоор хөдөлгөөнд оролцох болжээ. 

Энэ сарын 31-нийг дуустал замын хөдөлгөөнд оролцох хуваарь: 

Арванхоёрдугаар сарын 29-ний даваа гарагт Үндэсний эрх чөлөө, тусгаар тогтнолоо сэргээсний баярын өдөр тохиож буй тул хязгаарлалт үйлчлэхгүй аж.

Шинэ жилийн баяр дөхсөнтэй холбоотойгоор томоохон зах, худалдааны төв болон гол гудамж замуудын хөдөлгөөний ачаалал эрс нэмэгдсэн. Үүнтэй холбоотойгоор иргэдээс автомашины улсын дугаарын тэгш, сондгойгоор зорчих хүсэлт ирсэн.

Тиймээс иргэдийн хүсэлтийн дагуу автомашины улсын дугаарын тэгш, сондгой хязгаарлалт хийх эсэх санал асуулга явуулсан. Санал асуулга өнөөдөр 18:00 цагт дууссан бөгөөд иргэдийн 52 хувь нь дэмжжээ. 

Нэмэлт: Дээрх шийдвэрийг зарласнаас хоёр цагийн дараа Хууль зүй, дотоод хэргийн сайд Б.Энхбаяр цахим хуудсаараа дамжуулан мэдээлэл өгсөн. Тэрбээр "Дугаарын хязгаарлалттай холбоотойгоор Тээврийн цагдаагийн албанаас хийсэн мэдээллийг нягтлахад дугаарын хязгаарлалт хийх тухай Нийслэлийн Засаг даргын захирамж гарч Тээврийн цагдаад албажиж ирээгүй бөгөөд хотын захиргаанаас амаар өгсөн чиглэлийн дагуу Тээврийн цагдаагийн алба мэдээлэл хийсэн байна.

Энэ тухай Хууль зүй, дотоод хэргийн сайд, Цагдаагийн ерөнхий газрын даргад мэдэгдээгүй байсан. Хариуцлага яригдана. Албажаагүй, ам шийдвэрээр иргэдийн эрхийг хязгаарлахгүй байх талаар Цагдаагийн ерөнхий газарт үүрэг өгөв" гэсэн юм.